Mu rubanza rwabaye ku gicamunsi cyo kuri uyu wa 18 Ugushyingo,Umushinjacyaha yabwiye Urukiko ko urubanza rurimo imico mbonezabupfura bityo asanga rukwiriye kubera mu muhezo.
Umucamanza yabajije Bishop Harerimana Jean Bosco n'abamwunganira babiri bavuga ko nta kintu bibatwaye kuba rugiye kubera mu muhezo.
Bishop Harerimana agiye kuburana ubujurire bwatanzwe n'Ubushinjacyaha nyuma yo kutanyurwa n'umwanzuro w'urukiko rw'ibanze rwa Kicukiro rwasomye ku wa 31 Ukwakira 2024.
Urukiko rwari rwategetse ko bombi barekurwa by’agateganyo, nyuma y'uko bari bemeye gutanga ingwate y’inzu yabo ihagaze agaciro ka miliyoni 60 Rwf.
Bishop Harerimana Umushumba wa Zeraphat Holy Church n’umugore we Mukansengiyumva Jeanne bakurikiranyweho ibyaha bitatu birimo kwihesha ikintu cy’undi hakoreshejwe uburiganya, gukangisha gusebanya no gukwirakwiza amafoto y’imikoreshereze y’ibitsina.
Urubanza rwa Bishop Harerimana n'umugore we Mukansengiyumva rwashyizwe mu muhezo
