Universal Pictures yakuye urujijo ku bya Ariana Grande na Cynthia Erivo

Universal Pictures yakuye urujijo ku bya Ariana Grande na Cynthia Erivo

Rudahara Avithe Rudahara Avithe  Nov 27, 2024 - 20:24

Isosiyete itunganya no ikanakwirakwiza filime muri Amerika ‘Universal Pictures’ yagize icyo itangaza ku bihuha n'impaka zimaze iminsi ku mbuga nkoranyambaga abatavuga rumwe ku buryo umuhanzikazi akaba n’umukinnyi wa filime Ariana Grande yahembwaga amafaranga akubye inshuro 15 ayob Cynthia Erivo bakinanye muri filime “Wicked yahembwe.”

Abantu ku mbuga nkoranyambaga bari bamaze iminsi bavuga ko Grande wakinnye nka Glinda muri iyo filime yahembwe miliyoni 15 z’amadolari, mu gihe Erivo wakinnye nka Elphaba, yahembwe miliyoni imwe y’amadolari.

Nyuma y’izo mpaka, Universal Pictures yatanze ibisobanuro ivuga ko abo bakinnyi bombi muri iyo filime ‘Wicked’ bahembwaga amafaranga angana.

Umuvugizi wa Universal Pictures mu kiganiro n’abanyamakuru ejo ku ya 26 yagize ati:“Amakuru ajyanye no gutandukanya umushahara hagati ya Cynthia na Ariana ntabwo ari ukuri rwose kandi ashingiye ku bihuha byo kuri interineti. Aba bagore bombi bahembwe kimwe kubera akazi bakoze kuri filime “Wicked”.

Tubibutse ko iyo filime yasohotse ku ya 22 Ugushyingo 2024, ikaba igaragaramo abakinnyi nka Jonathan Bailey, Ethan Slater, Michelle Yeoh, Jeff Goldblum n’abandi.