Uyu mugabo mu minsi ishize nabwo yari yafatiwe ibihano n'Ishyirahamwe ry'Umupira w'Amaguru muri Afurika (CAF), ashinjwa ibyaha bijyanye no gutega ndetse na ruswa yakoze mu bihe bitandukanye.
Samuel Eto’o yaje kujurira mu rukiko rwa siporo, 'Court of Arbitration for Sport (CAS)' ruza kumugira umwere ndetse rutegeka ko ahabwa 8,000 Swiss Francs angana na miliyoni 12,811,012 Rwf.
Ese Samuel Eto’o arazira iki?
Arashinjwa kunyereza amafaranga arenga miliyoni 300 z’ama CFA (angana $525,000), amafaranga yari agenewe ikipe y'igihugu ya Cameroon.
Nk'uko bigaragazwa, Samuel Eto’o yakiriye kuri konti ye bwite iri muri Qatar amafaranga angana na €455,056 yavuye mu Ishyirahamwe ry’Umupira w’Amaguru mu Burusiya.
Amategeko ateganya iki ku byo ashinjwa?
Ishyirahamwe ry'umupira w'amaguru ku Isi, (FIFA) , ntiryihanganira ibikorwa nk'ibi ku buryo ibihana yihanukiriye, uwo bihamye ahanishwa "guhagarikwa imyaka itanu mu mupira w'amaguru ndetse n'ihazabu ya 100,000 CHF angana $122516.74.
Samuel Eto'o yabaye umukinnyi ukomeye mu ikipe ya Barcelona muri Esipanye
Samuel Eto'o yaje gutorerwa kuba umuyobozi w'Ishyirahamwe rya Ruhago muri Cameroon
