Arsene Wenger wahoze atoza ikipe ya Arsenal yemeza ko atamenye neza ko Harry Kane yaba ari mu bato ba Arsenal ubwo yayitozaga.
Uyu mugabo atangaza ko Harry Kane rutahizamu wa Tottenham ubu, icyo gihe yari akiri muto cyane bitari byoroshye kwita ku mwana nk'uwo dore ko yari afite imyaka 11.
Arsene Wenger watozaga Arsenal(Image:The sun)
Ibi Arsene Wenger yabitangaje ubwo yaganiraga na Ian Wright kuri SportBible bamubaza kuri Harry Kane.
Wenger abajijwe niba yari azi Harry Kane ubwo yari mu bato ba Arsenal, yagize ati:"Oya.Yari afite imyaka 9. Nta n'ubwo nigeze menya ko yadukiniye, ku myaka 11 yahise yerekeza muri Tottenham.Hari hakiri kare ngo mbe namumenya."
Rutahizamu Harry Kane(Image:CGTN)
Harry Kane ubu niwe captain wa Tottenham Hotspurs ndetse ari mu bayoboye iyi kipe mu gutanga umusaruro.
Abafana ba Tottenham bajya baririmba ko ari umwana wabo ariko abafana ba Arsenal bakabibutsa ko mbere yo kuba umwana wabo yabanje kuba umufana wa Arsenal.
Harry Kane amaze kwigira hejuru nibwo muri Tottenham ubushobozi bwe bwatangiye kugaragara. Uyu mugabo yatijwe inshuro enye mu makipe atandukanye.
Hari aho yatijwe mu makipe nka Millwall,Leyton Orient ndetse na Leicester City aho yari kumwe na Jamie Vardy muri Leicester.
Harry Kane ni rutahizamu w'Ubwongereza(Image:Football London)
Harry Kane ubu ni umwe muri ba rutahizamu bakomeye ku isi. Mu mpeshyi ishize yashatse kujya muri Manchester City ariko ntibyakunda kuko Tottenham itifuje kumugurisha.
