RIB yinjiye mu bibazo bya ruswa bivugwa muri FERWAFA

RIB yinjiye mu bibazo bya ruswa bivugwa muri FERWAFA

Date: Jun 21, 2022 - 18:16


Nyuma ya ruswa imaze iminsi ivugwa muri FERWAFA yakurikiwe n'ihagarikwa rya Muhire Henry wari umunyamabanga, RIB yamaze kwemeza ko yatangije iperereza kuri ibi bibazo.

Hashize iminsi humvikana ibibazo mu ishyirahamwe ry'umupira w'amaguru mu Rwanda "FERWAFA" byaje no gutuma Muhire Henry wari umunyamabanga w'iri shyirahamwe ahagarikwa by'agateganyo, naho Nzeyimana Felix wari ushinzwe amarushanwa we ahagarikwa burundu mu mirimo ye.

Aba bagabo bombi amakosa yabo ahurira ku manyanga bivugwa ko bagiye bakora mu mirimo yabo, bashaka indonke mu bo bagakwiye kuba bakorera ibyo bashinzwe.

Nyuma y'ibi bibazo bya ruswa no gushaka indonke byavuzwe muri FERWAFA, urwego rw'igihugu rushinzwe ubugenzacyaha "RIB" rwamaze kwinjira muri iki kibazo ngo ibirimo bisobanuke neza.

Ibi umuvugizi wa RIB, Dr Murangira B.Thierry yabyemereye mu bitangazamakuru baganiriye birimo Isango star na Inyarwanda, avuga ko bamaze kwakiriye ikirego ndetse banatangiye iperereza ngo hamenyekane ukuri ku bivugwa.

Dr Murangira B. Thierry avuga ko ikirego cy’ibibazo bya ruswa bivugwa muri FERWAFA bacyakiriye kuri uyu wa Mbere tariki ya 20 Kamena 2022, ndetse ko ntacyo yabitangazaho kuko nta byinshi barakimenyaho.

RIB yemeje ko yatangiye iperereza ku bibazo bya ruswa bivugwa muri FERWAFA nyuma y’amasaha macye iri shyirahamwe rihagaritse uwari umunyamabanga Mukuru waryo, Muhire Hernry Brulart ndetse rinirukanye Nizeyimana Felix wari ushinzwe amarushanwa ushinjwa gukoresha inyandiko mpimbano no kwizeza ibihembo binyuze mu buriganya bifite aho bihuriye na ruswa.

FERWAFA yahagaritse Muhire imushinja kutuzuza inshingano ashinzwe mu kazi, ndetse akaba avugwaho kuba yarasinye amasezerano ya FERWAFA n’uruganda rwo mu Budage rukora imyenda y’amakipe, atabiherewe uburenganzira n’urwego rubifitiye ububasha muri iri shyirahamwe, hakiyongeraho n’ikibazo cy’uburiganya buvugwa ku kibazo cya AS Muhanga na Rwamagana City.

Sports journalist
 
RIB yinjiye mu bibazo bya ruswa bivugwa muri FERWAFA

RIB yinjiye mu bibazo bya ruswa bivugwa muri FERWAFA

 Jun 21, 2022 - 18:16

Nyuma ya ruswa imaze iminsi ivugwa muri FERWAFA yakurikiwe n'ihagarikwa rya Muhire Henry wari umunyamabanga, RIB yamaze kwemeza ko yatangije iperereza kuri ibi bibazo.

Hashize iminsi humvikana ibibazo mu ishyirahamwe ry'umupira w'amaguru mu Rwanda "FERWAFA" byaje no gutuma Muhire Henry wari umunyamabanga w'iri shyirahamwe ahagarikwa by'agateganyo, naho Nzeyimana Felix wari ushinzwe amarushanwa we ahagarikwa burundu mu mirimo ye.

Aba bagabo bombi amakosa yabo ahurira ku manyanga bivugwa ko bagiye bakora mu mirimo yabo, bashaka indonke mu bo bagakwiye kuba bakorera ibyo bashinzwe.

Nyuma y'ibi bibazo bya ruswa no gushaka indonke byavuzwe muri FERWAFA, urwego rw'igihugu rushinzwe ubugenzacyaha "RIB" rwamaze kwinjira muri iki kibazo ngo ibirimo bisobanuke neza.

Ibi umuvugizi wa RIB, Dr Murangira B.Thierry yabyemereye mu bitangazamakuru baganiriye birimo Isango star na Inyarwanda, avuga ko bamaze kwakiriye ikirego ndetse banatangiye iperereza ngo hamenyekane ukuri ku bivugwa.

Dr Murangira B. Thierry avuga ko ikirego cy’ibibazo bya ruswa bivugwa muri FERWAFA bacyakiriye kuri uyu wa Mbere tariki ya 20 Kamena 2022, ndetse ko ntacyo yabitangazaho kuko nta byinshi barakimenyaho.

RIB yemeje ko yatangiye iperereza ku bibazo bya ruswa bivugwa muri FERWAFA nyuma y’amasaha macye iri shyirahamwe rihagaritse uwari umunyamabanga Mukuru waryo, Muhire Hernry Brulart ndetse rinirukanye Nizeyimana Felix wari ushinzwe amarushanwa ushinjwa gukoresha inyandiko mpimbano no kwizeza ibihembo binyuze mu buriganya bifite aho bihuriye na ruswa.

FERWAFA yahagaritse Muhire imushinja kutuzuza inshingano ashinzwe mu kazi, ndetse akaba avugwaho kuba yarasinye amasezerano ya FERWAFA n’uruganda rwo mu Budage rukora imyenda y’amakipe, atabiherewe uburenganzira n’urwego rubifitiye ububasha muri iri shyirahamwe, hakiyongeraho n’ikibazo cy’uburiganya buvugwa ku kibazo cya AS Muhanga na Rwamagana City.

Sports journalist