Mu gihe urubanza rwa Paul Labile Pogba ruzaba mu mwaka utaha wa 2024, abashinjacyaha b'i Roma baramusabira guhagarikwa imyaka ine yose muri ruhago.
Pogba yahagaritswe muri Nzeri bitewe n'ibipimo byafashwe nyuma y'umukino wahuje Juventus na Udinese tariki 20 Kanama 2023. Uyu musore wari ku ntebe y'abasimbura akaba ataranakinnye uwo mukino, byagaragaye ko hari imiti yari yaarafashe itemewe.
Mu mpeshyi ya 2022 nibwo Paul Pogba yasubiye muri Juventus aho yahise agira imvune y'ivi yatumye atanakina igikombe cy'isi cyabereye muri Qatar. Uyu mugabo avuga ko iyo miti yabonwemo ishobora kuba yaravuye mu miti yafashwe ubwo yarimo yivuza iyo mvune.
Pogba aramutse ahawe ibihano by'imyaka ine nk'uko aba bashinjacyaha babyifuza yazongera kwemererwa gukina umupira muri Nzeri 2027, ubwo azaba agize imyaka 34 aho benshi babona ko yahita anasezera gukina ruhago nk'uwabigize umwuga.
Pogba ashobora guhagarikwa muri ruhago imyaka ine
