Uyu mugabo yagiriye ikibazo cy'ivi mu mukino wo gushaka itike y'Igikombe cy'isi wahuzaga Brazil na Uruguay mu kwezi gushize.
Iyi mvune yayigize nyuma y'amezi abiri gusa asinyiye ikipe ya Al Hilal yo muri Saudi Arabia aho yinjiza miliyoni ebyiri n'igice ku cyumweru.
Kuri ubu uyu musore ufasha mu gutaha izamu yamaze kubagwa ndetse nk'uko bitangazwa n'ikinyamakuru Goal, Neymar azagaruka mu kibuga mu mwaka w'imikino utaha.
Mu gihe agiye kumara amezi 10 adakina, Neymar azinjiza amafaranga agera kuri miliyoni 107 z'amapawundi adakina kubera umushahara uri hejuru asanzwe ahembwa n'aba baherwe bo muri Saudi Arabia.
Neymar yavunikiye mu ikipe y'igihugu
Nyuma yo kubagwa, Neymar yashyize ifoto ye kuri Instagram aryamye ku gitanda cyo kuvurirwaho, maze arandika ati:"Urakoze nyagasani! Buri cyose ubu kimeze neza, imbaraga no kwihangana mu gukira."
Kubagwa kwa Neymar kwakozwe na Dr.Rodrigo Lasmar akaba ariwe muganga w'ikipe y'igihugu ya Brazil, ndetse n'ikipe ya Atletico Mineiro.
N'ubwo agiye gusiba imikino yose ya Al Hilal muri uyu mwaka w'imikino, muri Brazil bo bafite ikizere ko uyu mugabo bazamubona muri Copa America y'umwaka utaha izaba mu mpeshyi.
Neymar nyuma yo kubagwa
