Uyu mukinnyi w’imyaka 24 yari yahagaritswe by’agateganyo mu Ukuboza nyuma yo gusanganwa imiti yongera imbaraga izwi ku izina rya meldonium.
Chelsea yari itegereje ibisubizo bya sample ya kabiri (B sample) kugira ngo byemeze cyangwa bihinyuze ibyabonetse mu sample ya mbere (A sample). FA yatangaje kuri uyu wa Gatatu ko uyu mukinnyi wo ku ruhande ukomoka muri Ukraine ashobora guhabwa ibihano bikomeye kurushaho.
Mu itangazo FA yasohoye yagize iti:"Turashimangira ko Mykhailo Mudryk yarezwe kurenga ku Mategeko ya Anti-Doping ya FA, ahanini bigendanye no gusanganwa cyangwa gukoresha ikinyabutabire kitemewe, nk’uko biteganywa n'ingingo ya 3 na 4. Kubera ko iki kirego kigikomeje, aka kanya nta byinshi twakongeraho."
Ikipe ya Chelsea yanze kugira icyo ivuga ku cyemezo gishya cya FA. Nubwo Mudryk ubwe yahakanye ko yaba yararenze ku mategeko abigambiriye, amabwiriza y’ishyirahamwe avuga ko ashobora gufatirwa ibihano bikomeye birimo no guhagarikwa imyaka ine.
Mudryk yari yahagaritswe by'agateganyo mu kuboza umwaka ushize
Mudryk ashobora guhagarikwa imyaka ine mu gihe yahamwa n'ibyo aregwa
