Jux, wambikanye impeta na Priscilla mu kwezi kwa Gashyantare uyu mwaka, yavuze ko urubyiruko rwinshi rutinya kurushinga kubera kwikanga inshingano, nyamara nyirizina urugo rufite ibyishimo byihariye iyo ubanye n’umukunzi nyakuri.
Yaguze ati:“Ndashimira Imana kuko nahisemo neza. Nabonye umugore w’ukuri, sinzigera nshaka undi mugore kabone n’ubwo idini ribyemera. Ubutumwa bwanjye ku rubyiruko ni uko rugomba kurushinga, ntirukwiye gutinya inshingano. Urushako ni ibintu bitangaje cyane iyo ubonye uwo mukunda nyabyo.”
Yakomeje ashimangira ko kuba umugabo bisobanuye kudatinya inshingano.
Yagize ati:“Urubyiruko rwinshi rutinya cyane kurushinga muri iyi minsi kubera gutinya inshingano, ariko ukuri ni uko umuhungu atagomba gutinya cyangwa ngo ahunge inshingano. Niyo mpamvu no mu bitabo by’iyobokamana handitswe ko tuzarya ku bw’ibyuya byacu.”
Jux ni umwe mu bahanzi bakomeye muri Bongo Fleva, ufite indirimbo nyinshi zagiye zikundwa cyane zirimo Enjoy, Am Looking For You, Nisiulizwe, Sio Mbaya, Unaniweza n’izindi nyinshi.
Kuva kera, uyu muhanzi yajyaga avugwa mu rukundo n’abakobwa b’ibyamamare barimo Vanessa Mdee, Karen Bujulu, Nayika Thongom wo muri Tayilande, Jackie Cliff, Jacklyne Wolper ndetse n’Umunyakenya Huddah Monroe.
Ubu Jux n’umugore we bari mu byishimo byo kwitegura umwana wabo w’imfura, nyuma yo gushyira hanze amashusho y’umuhango wo kumurika igitsina cy’umwana wabo, aho byagaragaye ko bazibaruka umuhungu.
Juma Jux yavuze ko urushako ari ikintu kiza cyane
Juma Jux yakebuye abasore batinya kurushinga
