Umunyemari w'Umunyamerika Elon Musk uheruka kugura urubuga rwa Twitter mu Kwakira 2022, yatangaje ko Twitter iri mu gihombo.
Musk mu ibaruwa yandikiye abakozi be, yabamenyesheje ko mu mezi ane ashize nta na kimwe cya kabiri cy'amafaranga yatanze ayigura yinjije.
Ku bw'ibyo bikaba biri gutanganzwa ko binjije amafaranga ari hagati ya miliyari 20-24 z'amadorari, nk'uko tubikesha ikinyamakuru TMZ.
Nyamara nubwo TMZ itangaza ibi, ikinyamakuru The Guardian cy'Abongereza kiratangaza ko ahubwo yinjije ari munsi ya miliyari 20 z'amadorari.
Nubwo ibi binyamakuru bitemeranya umubare w'amafaranga, ariko ikingenzi ni uko na nyir'ubwite yatangaje ko yinjije amafaranga ari munsi ya miliyari 44 z'amadorari yayiguze.
Kuri iyo mpamvu, Elon Musk akaba yabwiye abakozi be ko bari mu bihe bibi byo kuba bahomba kuko ari kwinjiza amafaranga ari munsi yayo yaguze uru rubuga.
Ubwo Musk yari akigura uru rubuga, mu Kuboza 2022 yagabanyije abakozi barwo bava ku bihumbi 7,500 bagera ku bihumbi 2,0000.
Kimwe mu biri gutanganzwa ko cyaba cyarateye kutiyongera kw'amafaranga, harimo ko amatangazo amwe yo kwamamaza kuri uru rubuga yakuweho.
Muri rusange nubwo bimeze gutya, Elon Musk akaba yatangaje ko yizeye ko mu minsi iraza iki gihombo kiraza kuvamo, akaba avuga ko Twitter yagakwiye kwinjiza amafaranga amwe nk'ay'ibindi bigo bye bya Tesla na SpaceX.
