Mu 2022, nibwo Kompanyi y'ubucuruzi ya Adidas yasheshe amasezerano yari yaragiranye n'umuraperi w'umunyamerika Kanye West y'imikoranire harimo kuyamamariza, nyuma y'uko uyu muhanzi yari yagaragaje ibikorwa by'urwango ku Bayahudi (Antisemitism).
Ayo masezerano akimara guseswa, Kanye West byamutuye mu gihombo, kugera ubwo amafaranga yari atunze yakonkobokaga umunsi ku munsi.
Ku wa Mbere w'iki Cyumweru tariki ya 26 Gashyantare 2024, nibwo West yagiye ku mbuga nkoranyambaga ze anenga cyane uru ruganda kuba rucuruza bimwe mu bikoresho biriho amazina ye nta burenganzira bamwatse.
Davido yahaye inama Kanye West yo kureka gushwana na Adidas akigira muri Puma
Yanavuze ko bamujjyanye mu nkiko bamurega Miliyoni 250 z'amadorari, nyamara nawe akavuga ko hari inkweto bashyize ku isoko hariho amazina ye kandi bataramwishyuye.
Izi mpaka zose, nizo zatumye David Adeleke uzwi ku izina rya Davido mu muziki, aha inama uyu muhanzi mugenzi we kurekana na Adidas akigira muri Puma.
Mu butumwa uyu musitari mu njyana ya Afrobeats mu gihugu cya Nigeria yacishije ku mbuga nkoranyambaga ze, yabwiye Kanye West ko niba Adidas batari kumvikana yaza bagafatanya mu ruganda rwa Puma.
Davido akaba ari we wamamariza uruganda rwa Puma ku ruhando Mpuzamahanga, akaba yifuza ko na Kanye West yahamusanga aho gushwana na Adidas.
Kanye West akomeje gushwana na Adidas
