Umuhanzi wo muri Nigeria, Davido, yemeye gushyira akadomo ku mwuka mubi wari hagati ye n'umukinnyi wa filime witwa 'Eniola Badmus', aho bari bamaze imyaka ibiri badacana uwaka.
Umwuka mubi hagati yabo watangiye mu Ukwakira 2022, ubwo Davido yapfushaga umwana we aguye muri pisine, uyu mugore aba uwa mbere mu kubitangaza.
Gusa Davido ntiyigeze yishimira uburyo uyu mugore yatangajemo aya makuru kuko we yabifashe nk'aho yashakaga kubikuramo indonke, ibyatumye ahita ahagarika kumukurikirana kuri Instagram.
Nyuma y'imyaka ibiri badacana uwaka, baje kongera guhurira mu birori byo kwizihiza isabukuru y'amavuko y'umupasiteri witwa 'Tobi Adeboyega', bituma bahita biyunga.
Mu Ukwakira 2022, nibwo Davido yapfushije umuhungu we w'imfura yari yarabyaranye n'umugore we Chioma, umwana bari bise Ifeanyi Davido, aho yapfuye aguye muri pisine. Icyakora nyuma y'umwaka umwe Imana yabashumbushije abana b'impanga.
Davido yababariye Eniola Badmus' wamushinyaguriye
Davido n'umugore we Chioma n'umuhungu wabo Ifeanyi witabye Imana
![Bruce Melodie yishyizeho tatuwaje [tattoo] z’abana be](https://www.thechoicelive.com/uploads/images/2022/09/image_380x226_6332e9587ffb8.jpg){kind=small}
