Abakinnyi ba ruhago ni bamwe mu bantu bazwiho gutunga inzu zihenze, imodoka zihenze, imyambaro ihenze n'ibindi. Gusa kuri uyu munsi tugiye kurebera hamwe abakinnyi 10 ba ruhago batunze indege zihenze cyane kurenza abandi.
Aha turasangamo abakinnyi nka Neymar Jr, Cristiano Ronaldo, Zlatan Ibrahimovic, n'abandi baba abakiri mu kibuga ndetse n'abatagikina nk'ababigize umwuga.
10.Ronaldinho
Uyu munya-Brazil wanyuze mu makipe nka FC Barcelona, PSG na AC Milan ni umwe mu batumye abenshi biyumvamo ruhago cyane kugeza kuri ubu.
Uyu mugabo atunze indege yo mu bwoko bwa Embraer Phenom 100 ikaba igura akayabo ka miliyoni 2.6 z'amapawundi.
Ronaldinho niwe uza ku mwanya wa 10(Image:Rex features)
Indege ya Ronaldonho(Image:Embraer Executive jets)
9.Kaka
Uyu nawe ni umunya-Brazil wibitseho Ballon d'Or ya 2007 mbere y'uko Cristiano na Messi bafata imyaka irenga 10 bazigabana.
Uyu mugabo uzwiho gutunga ibintu bihenze nawe yibitseho indege yo mu bwoko bwa Cessna Citation CJ3 Plus itwara abantu umunani, ndetse ikaba igura miliyoni 5.7 z'amapawundi.
Kaka afite indege ihagaze miliyoni 5.7 z'amapawundi(Image:AFP)
Indege ya Kaka yo mu bwoko bwa Cessna Citation CJ3 Plus(Image:Cessna)
8.Gareth Bale
Uyu mugabo ukomoka muri Wales yarabiciye biracika muri Real Madrid ubwo bari bafite ubusatirizi bwiswe BBC ubwo yari kumwe na Cristiano ndetse na Bemzema.
Bale akaba atunze indege yo mu bwoko bwa Cessna Citation XL Plus igura miliyoni 8.6 z'amapawundi.
Gareth Bale atunze indege ya Cessna Citation XL(Image:Cessna)
Gareth Bale mu ndege ye igura miliyoni £8.6(Net-photo)
7.Neymar Jr
Uyu munya-Brazil ukinira PSG yo mu Bufaransa nawe ni undi mukinnyi utunze indege ihenze cyane.
Neymar atunze indege yo mu bwoko bwa Embraer Legacy 450 igura miliyoni 10.8 y'amapawundi.
Neymar atunze indege ya Embraer Legacy 450(Image:Neymar instagram)
6.Wayne Rooney
Uyu mutoza wa Derby Count ndetse akaba yarahoze ari umwe mu bakinnyi bakomeye ba Manchester United, nawe ni umwe mu batunze indege ihenze.
Rooney atunze indege ya Dassault Falcon 900LX igura miliyoni 14 z'amapawundi.
Wayne Rooney nawe ni umwe mu batunze indege zihenze(Image:Press Association)
Indege ya Dassault Falcon 900LX Rooney atunze(Image:Dassault Falcon)
5.Paul Pogba
Uyu mufaransa ukina hagati mu kibuga muri Manchester United ni umwe mu bakinnyi bazwiho kuryoshya cyane.
Pogba rero akaba afite indege itwara abagenzi 10 yo mu bwoko bwa Gulfstream G280 igura miliyoni 18 z'amapawundi agendamo mu buzima bwa buri munsi.
Paul Pogba nawe ni umwe mu bafite indege zihenze(Image:Instagram @paulpogba)
4.David Beckham
Beckham ni umugabo w'Umwongereza wanyuze mu makipe nka Manchester United ndetse na Real Madrid. Ubu akaba afite ikipe ya Inter.Miami muri Leta zunze ubumwe za Amerika.
Uyu mugabo atunze indege ya Bombardier Challenger 350 igura miliyoni 19 z'amapawundi zose.
Bombardier Challenger ya David Beckham(Image:Bombardier)
3.Zlatan Ibrahimovic
indege y'uyu munya-Sweden ibasha kwakira abagenzi 12, ndetse akaba ashobora no kuruhuka neza mu gihe ari mu rugendo.
Indege ya Zlatan ni iyo mu bwoko bwa Cessna Citation Longitude ikaba igura miliyoni 21 z'amapawundi.
Cessna Citation Longitude itunzwe na Zlatan Ibrahimovic(Image:Cessna)
2.Lionel Messi
Uyu mugabo wabiciye bigacika cyane mu ikipe ya FC Barcelona, hari igice kinini cy'abakunzi ba ruhago bemeza ko ariwe mukinnyi wa mbere mu mateka ya ruhago.
Uyu munya-Argentine araza ku mwanya wa kabiri mu bakinnyi bafite indege zihenze cyane kurusha abandi ku isi.
Lionel Messi atunze indege yo mu bwoko bwa Embraer Legacy 650 itwara abantu 14 ikaba igura miliyoni 25 z'amapawundi.
Lionel Messi ni umukinnyi wa kabiri utunze indege ihenze cyane ku isi(Image:Instagram @leomessi)
Indege ya Embraer Legacy 650 itunzwe na Lionel Messi(Image:Net-photo)
1.Cristiano Ronaldo
Uyu munya-Portugal nawe afite abatari bake bavuga ko ariwe mukinnyi wa mbere ku isi mu mateka ya ruhago kubera ibitego atsinda.
Uyu rutahizamu wa Manchester United niwe uza ku mwanya wa mbere kuko atunze indege yo mu bwoko bwa Gulfstream G650 igura miliyoni 28 z'amapawundi, ndetse ikaba ibasha gutwara abagenzi 18 bose.
Cristiano Ronaldo niwe utunze indege ihenze kurusha abandi(Image:Twitter @cristiano)
Gulfstream G650 ya Cristiano Ronaldo(Image:Gulfstream)
