Ikipe ya Rayon Sports itorohewe n'uyu mwaka w'imikino yatangiye kureba uko yakongeramo imbaraga maze ikazabasha kwitwara neza mu mwaka utaha w'imikino.
Inkuru dukesha The Drum, iravuga ko Rayon Sports yagiranye ibiganiro n'abakinnyi b'ikipe ya Police FC aribo Usengimana Faustin na Rutanga Eric ndetse n'ubu bikaba bikomeje.
Amakuru ahari aravuga ko Rayon Sports itazongerera amasezerano Habimana Hussein, ikaba ariyo mpamvu bifuza Usengimana Faustin ,kimwe Mujyanama Fidele ukina inyuma ibumoso akaba nawe atazongererwa amasezerano ariyo mpamvu bifuza ko Rutanga Eric yagaruka.
Yaba ari Faustin na Rutanga bose bifuza kugaruka mu ikipe ya Rayon Sports, dore ko ari ikipe bagiriyemo ibihe byiza mu myaka yashize ndetse bakishimirwa n'abafana.
Rutanga na Faustin bakiniye Rayon Sports mu myaka yashize ndetse bakaba bari no mu abakinnyi bagejeje Rayon Sports muri 1/4 cya CAF Confederation Cup.
Rayon Sports irifuza kugarura Rutanga Eric(Net-photo)
Usengimana Faustin nawe arifuzwa na Rayon Sports(Net-photo)
