Isi yose yaguye mu kantu nyuma yo kumva inkuru y'umugabo wo muri Nigeria muri Leta ya Bayelsa washakanye n'umwana w'umukobwa w'imyaka ine kugira ngo arokore ubuzima bwe.
Ubu bukwe butangaje, bukaba bwarabaye ku wa 26 Ukuboza 2023. Umuryango w'umukobwa, watangaje ko umugeni wabo washakanye n'umugabo w'imyaka 54, ari umuhango gakondo wo kurokora ubuzima bw'umwana ukorwa mu mico yabo.
Ubu bukwe, bwabereye mu muryango wa Akeddei mu gace ka Sagbama gaherereye mu Bayelsa, bwasobanuwe nk'umuhango wo mu mwuka wo kugira ngo babohore aba bombi.
Umugaba w'imyaka 54 yambitse impeta umwana w'imyaka ine
Ubutegetsi bwo muri Bayelsa, bwahamagaye aba babyeyi bose, mu kwisobanura, bavuga ko uyu ari umuhango wo gushyingirwa mu mico gakondo aho ari umuhango witwa "Koripamo" ugamije kurokora ubuzima bw'umukobwa.
Bakomeje bavuga ko uyu ari umuco gakondo wo mu muryango wa Akeddei. Ni mu gihe umuryango wa Oyakiri, bemera ko niba umwana w'umukobwa aramutse arwaye, umugabo asababwa gutakaza amafaranga nk'ikimenyetso, kugira ngo akize urupfu uwo mukobwa muto.
Icyakora, nubwo iyi miryango yatanze ibi busobanuro, Imiryango Mpuzamahanga iharanira uburenganzira bwa muntu, bamaganye iyi mico, bavuga ko bidakwiye habe na mba.
