Uyu mutariyani wakiniye amakipe nka Fiorentina na Sampdoria yapimwe ku nshuro ya kabiri, ibipimo byemeza ko afata ikiyobyabwenge cya Cocaine ndetse bigaragara ko ibyo gukina umupira w'amaguru bimurangiranye.
Nyuma y'imyaka 12 ahagaritswe Francesco Flachi w'imyaka 46 yamaze kugaruka mu kibuga ngo akore ibyo yahoze akunda ndetse anakora.
Francesco Flachi yakinnye umukino we wa mbere mu ikipe ya Signa1914 ikina mu kiciro cya gatanu mu Butariyani, nyuma y'imyaka 13 akinnye unukino we wa nyuma mu ikipe ya Brescia ikina mu kiciro cya kabiri mu Butariyani.
Mu mezi atanu ashize Flachi yarimo yitozanya n'ikipe yo mu mujyi iwabo ariko ubu akaba yamaze kugaruka mu kibuga mu marushanwa.
Ubwo yamaraga gukina uyumukino, Flachi yaganiriye na La Gazzetta dello Sport agira icyo atangaza nyuma y'igihe kinini yari amaze asa n'uwasezeye ku mupira w'amaguru.
Flachi yagize ati:"Uyu munsi washyize akadomo ku myaka 12 yo kudakina. Ni ukongera kuvuka kwange.
"Iki ni ikimenyetso cy'uko nongeye kwiyubaka.
"Uko niyumvise? Bwa mbere numvaga meze nabi cyane, sinigeze nsinzira icyumweru cyose kubera akajagari mu mutwe.
"Ubu ndishimye cyane, ndashimira buri umwe watumye nongera kwiyumva nk'uko nari meze mbere[Umukinnyi w'umupira]."
Mbere y'uko uyu mugabo ahanwa yari amaze kuba umwe mu bakinnyi batsindiye ikipe ya Sampdoria ibitego byinshi mu mateka yayo.
Francesco Flachi yatsindiye Sampdoria ibitego 110, ndetse Gianluca Vialli na Robero Mancini nibo bakinnyi bonyine bamurusha ibitego muri iyi kipe ikina mu kiciro cya mbere mu Butariyani.
Ubwo uyu mugabo yahanwaga mu 2010 byari inshuro ya kabiri bigaragaye ko akoresha ikiyobyabwenge cya Cocaine, dore ko mu 2007 nabwo yari yahagaritswe imyaka ibiri ndetse bimuviramo gutandukana na Sampdoria ajya muri Brescia ikina mu kiciro cya kabiri.
Francisco Flachi yahanwe mu 2010 ubwo yakiniraga Sampdoria(Image:Eurosport)
Fransisco Flachi yagarutse mu kibuga ku myaka 46(Image:Daily star)
