Iserukiramuco ry'umuziki Nyafurika, "Afro Nation Music Festival" , by'umwihariko iry'uyu mwaka ririmo kubera muri Portugal guhera ku wa 28-30 Kamena 2023. Muri iri serukiramuco Abanya-Nigeria bongeye kwerekana ko bayoboye umuziki kuri uyu mugabane w'ubwiza.
Muri benshi banyuranye bagiye ku rubyiniro aho muri Portugal, Umunya-Nigeria Ayra Starr akaba yarashimishije imbaga mu ndirimbo ze zirimo Sability na Rush. Ubwo uyu muhanzikazi yajya ku rubyiniro akaba yareretswe urukundo n'amarangamutima abafana bafitiye umuziki Nyafurika.
Ni gutyo byari byifashe muri Afro Nation Music Festival muri Portugal
Nubwo Ayra Starr yari yakoze ibihambaye, ariko nyirumuringa Burna Boy ntiyari yakaje kuko ubwo yasesekaraga ku rubyiniro yakoze ibitarigeze bibaho kuko yakoze igitaramo cy'imbonekarimwe.
https://www.thechoicelive.com/afro-nation-festival-2023-burna-boy-yasize-inkuru-muri-portugal
Ayra Starr na Burna Boy bongeye guhesha ishema umuziki wa Nigeria
Uwakumva Abanya-Nigeria bararanze iri serukiramuco wagira ngo ntabandi bahanzi bari bahari, nyamara bari bahari cyane kuko harimo abo muri Afurika y'Epfo, muri Jamaica ndetse n'abandi.
Uretse kandi ibitaramo by'ibyamamare bishimisha abitabira, hanerekanwa umuco wo muri Afurika ndetse no muri Caribbean.
Muri rusange iri serukiramuco rya "Afro Nation Festival 2023" risize umuziki wa Nigeria weretse abandi ko hari byinshi bagifite byo kwiga kugira ngo bagere ku rwego bariho.
