Mu ntambara ikomeje gufata intera mu burasirazuba bwa Repubulika Iharanira Demokarasi ya Congo hagati y'Ingabo z'iki gihugu FARDC nabo bafatanya barimo Wazalendo, ingabo z'Uburundi niza SADC kurwanya M23, Leta ya DRC yemeje ko abasirikare ba Afurika y'Epfo baturikanywe n'igisasu byagizwemo uruhare na RDF ndetse M23.
Mu itangazo ryasohotse muri Minisiteri y'itumanaho n'itangazamakuru i Kinshasa kuri uyu wa 15 Gashyantare 2024, bavuze ko ingabo za Afurika y'Epfo SANDF ziheruka guturikanwa na bombe mu birindiro by'ingabo za SADC biri mu gace ka Mubambiro, icyo ari igitero cya RDF ifatanyije na M23.
Iki n'igitero cyabaye ku wa 14 Gashyantare, aho byemezwa ko haguyemo abasirikare babiri ba Afurika y'Epfo. Igisirikare cya Afurika y'Epfo nacyo cyemeje ko abasirikare babo bishwe, gusa birindi kugira uwo batunga urutoki. Guverinoma ya DR-Congo, ikaba yihanganishije iki gihugu cyabuze ingabo zacyo.
Hagati aho, ibyo kuba Guverinoma ya DR-Congo yashinja u Rwanda gufasha M23, nta gishya kirimo, kuko n'ubundi abategetsi b'iki gihugu bakomeza kuvuga ko ingabo z'u Rwanda RDF ziri mu gihugu cyabo bafasha M23. Icyakora, Leta y'u Rwanda, ntiyahwemye guhakana ibitangazwa na DRC.
