Ubuyobozi bwa polisi mu gace ka Akwa Ibom bwataye muri yombi umusore w’imyaka 23, Akaninyene Sunday Isaac, azira kwica nyina wamubyaye, Christiana Sunday Isaac, mu gace ka Oruk Uso Otoro, muri Nigeria.
Amakuru avuga ko Isaac yatemye nyina w’imyaka 55 kugeza apfuye, amuziza kumara iminsi itatu atamugaburira.
Amakuru kandi, avuga ko uyu mugabo yatawe muri yombi ukekwaho icyaha ku ya 11 z’uku kwezi, aho yanemereye inzego z’iperereza ko yivuganye nyina nyuma yo kumara iminsi itatu atamugaburira.
Hagati aho, amakuru aturuka mu muryango we yavuze ko Isaac yasabye nyina amafaranga, ndetse ko buri gihe yahoraga ayamusaba akayamuha, ariko kuri uwo munsi, akanga kuyamuha, avuga ko nta mafaranga. Bavuga ko kuyamwima bishobora kuva ari byo byamurakaje , maze agatemesha nyina umuhoro.
