Uwashinze Amazone, umuherwe Jeff Bezos, yashatse kwerekana urukundo rwe n'umukunzi we Lauren Sanchez ashyira igishusho kinini cy’uyu mukobwa ku bwato bwe bunini kandi buhenze.
Jeff Bezos ubwayo bwe buhenze cyane yabunitseho igishushanyo cy'umukunzi we mushya
Sanchez, ukundana na Bezos kuva mu 2019, ubu afite igishushanyo cya rutura kimanitse ku migozi y’ubu bwato bwa miliyoni 500 z’amadolari, ni ukuvuga ko ubu bwato buhagaze akayabo ka miliyari zirenga 500 z'amanyarwanda.
Nyuma yo kugaragaza iki gishushanyo, Bezos yanditse ku rubuga rwa Instagram ati: "Twashimishijwe cyane n’ijoro ryakeye twishimye tubyinana n'umuryango, ariko umwaka mushya nawo ni igihe cyiza cyo gusuzuma no kwiyubaka ku muntu ku giti cye, kuvugurura, kuvuka ubwa kabiri, no kwita by’umwihariko kuri buri mwanya wubuzima bwawe. Ibyiza n’ibibi, byose unezerwe kandi ukomeze ukure.”
Nyuma yuko Bezos asabye ubutane n'umugore we, MacKenzie, Sanchez na we yari hagati yo gutandukana n'umugabo we, Patrick Whitesell, umukozi wa Hollywood, amaherezo Bezos ahura na Sanchez wifuzaga ko isi imubona nkuko amubona.
Sanchez yanditse kuri Instagram ku mibanire ye na Bezos ati: "Ntibabona umugabo ushyira ibintu byose ku ruhande ngo afashe inshuti irwaye, ariko amaso yanjye arabibona."
Ubu bwato bwa Bezos bwamutwaye asaga miliyari 500 z'amanyarwanda
Ati: "Ntibabona umugabo ubyuka kare buri gitondo kugira ngo akorere abana ifunguro rya mugitondo kugira ngo baseke kandi bavuge ubuzima na siyanse n’uburyo bwo guhindura iyi si ahantu heza, ariko amaso yanjye arabibona.
Sanchez washyizwe ku bwato bwa miliyari zirenga 500 z'amanyarwanda
Ati: "Ntibabona umugabo ushaka ko abantu bose bumva banezerewe, umutima we ntagereranywa kandi ufite ubushobozi bwo gukunda bitagira akagero. Ariko amaso yanjye arabibona.”
Aba bombi, kuva bakundana bagiye bakunda kugaragara mu birori rusange birimo Miami GP na Coachella.
