Mu ntambara ikomeje guhanganisha ingabo za Repubulika Iharanira Demokarasi ya Congo FARDC n'abandi bayitera ingabo mu bitugu barimo ingabo z'Uburundi, abarwanyi ba Wazalendo, ingabo za SADC ndetse n'abacanshuro, kuri uyu wa Kane bacakiraniye muri Teritwari ya Masisi muri Kivu y'Amajyaruguru.
Inkuru yanditswe na Kivu Morning Post, ivuga ko imirwano yo kuri uyu wa 21 Werurwe 2024, yabaye mu masaha ya nyuma saa sita, mu midugudu yo muri Gurupoma ya Bashali Mokoto, irimo Kirumbu. Aho i Kirumbu, abarwanyi ba M23 barwanye na Wazalendo biratinda, ariko birangira abo barwanyi bahahunze berekeza i Kalengera.
Imirwano ikaba yaratangijwe na M23 igaba igitero gikomeye ku birindiro bya Wazalendo i Kalengera, hafi gato ya centre ya Kirumbu. Amakuru aturuka mu burasirazuba bwa DR-Congo, aremeza ko M23 iri kugenzura ibice bya Kirumbu, Gyagoro na Kalengera.
Magingo aya biremezwa ko intambara ikomereje mu gace ka Bweru, aho abaturage bahuze ibyo nice. Guverinoma ya DRC, ikaba ikomeje kuvuga ko itazigera ijya mu mishyikirano y'amaharo na M23, ni mu gihe uyu mutwe nawo wemeza ko utazahagarika intambara ibyo bashaka bitubahirijwe birimo ko Leta irekera ubwicanyi bukorerwa abavuga ururimi rw'ikinyarwanda.
