Amaherezo y'intambara yo mu burasirazuba bwa Repubulika Iharanira Demokarasi ya Congo hagati y'umutwe witwaje intwaro wa M23 n'ingabo za Leta FARDC, akomeje kuyoberana, kuko umunsi ku mu munsi basukabaho ibisasu.
Nyuma y'uko hari hashize iminsi nta mirwano yumvikana hagati y'impande zombi, kuri uyu wa Gatanu bongeye gutana mu mitwe muri Terirwari ya Masisi na Rutshuru mu Ntara ya Kivu y'Amajyaruguru.
Imirwano ya none, biremezwa ko ingabo za Leta ari zo zayitangije mu gace ka Rwindi ho muri Rutshuru no muri Kironko ho muri Masisi, gusa amakuru aravuga ko M23 yabashize kwirwanaho isubiza inyuma ibitaro bagabweho.
Mu gihe hari hamaze iminsi nta mirwano yumvikana, abakurikiranira hafi iby'intambara mu biyaga bigari, baremeza ko impande zombi zirimo zikusanya intwaro zo guhangana, mu gihe Kinshasa yanze ibiganiro by'amahoro.
