Ku wa Mbere, tariki ya 17 Mata, Victoria Beckham wahoze mu itsinda rya Spice Girls, yujuje imyaka 49.
Umugabo we, David Beckham, yamwandikiye ubutumwa bw’urukundo buherekejwe n’ifoto yafashwe bagitangira gukundana.
David Beckham yashimagije umugore we ku isabukuru ye[Getty Images]
Uyu mukinnyi wahoze akinira ikipe ya Manchester United, mu butumwa bukora ku mutima yagize ati: “Isabukuru nziza ku mugore akaba n'umubyeyi utangaje cyane, umuntu udutera imbaraga buri munsi. Turagukunda kandi ukwiye kugira umunsi mwiza cyane. ”
Umuhungu we Romeo, ubu ukina umupira w'amaguru mu ikipe y’abato ya Brentford, yifatanije na se gushimira nyina ku mbuga nkoranyambaga.
Yagize ati: “Isabukuru nziza kuri mama mwiza aho uri. Ndagukunda cyane.”
Ubutumwa bwa Beckham bwacubije abazamuraga amakuru ko batabanye neza[Getty Images]
Ibihuha bivuga ko umubano atari mwiza hagati ya Beckham n’umugorewe, byazimijwe n’ubu butumwa bw’urukundo bwatanzwe na David ku mugore we.
Mu kiganiro n'ikinyamakuru Vogue cyo mu Bwongereza, Victoria na we yari aherutse kwigarama ibi bihuha agira ati: “Abantu bamaze imyaka 20 bahimba ibintu ku mibanire yacu, bityo njye na David tumenyereye kwirengagiza ubuswa kandi tugakomeza nk’uko bisanzwe.”
