Carolina Shiino Umuyapinikazi ufite inkomoko muri Ukraine, yateje impagarara hagati mubatuye Ubuyapani, nyuma y'uko kuri ku wa Mbere w'iki Cyumweru yegukanye ikamba rya Nyampinga w'iki gihugu.
Impaka zavutse, zikaba zishingiye ku kuba uyu mukobwa atari Umuyapani wuzuye kandi ngo uruhu rwe rutandukanye n'urw'Abayapani.
Mu ijambo uyu Nyampinga yavuze akimara kwambikwa ikamba, akaba yarasutse amarira avuga ko imbogamizi y'ibara ry'uruhu yatumye atemerwa n'Abayapani bose.
Carolina Shiino wabaye Nyampinga w'Ubuyapani bigateza impaka
Carolina w'imyaka 26, yavukiye muri Ukraine ku myaka itatu y'amavuko yimukira mu Buyapani we n'umuryango we.
Ikinyamakuru BBC cyatangaje ko ubwo umwaka washize uyu mukobwa yahabwaga ubwenegihugu bw'Ubuyapani, yatangaje kuri Instagram ko nubwo adasa n'Abayapani, ariko imitekerereze ye imeze nk'iy'Abayapani kubera ari ho yakurikiye.
Ntabwo ari ubwa mbere Nyampinga w'Ubuyapani yaba ateje impaka, dore ko mu 2015 nabwo undi mukobwa witwa Ariana Miyamoto ufite nyina w'Umuyapanikazi ndetse na Se w'Umunyamerika ariko w'Umwirabura yabaye Miss bigateza impaka.
Ku mbuga nkoranyambaga, bari kugaragaza ko iki cyemezo gishingiye kuri Politike kuruta ukuri kwa nyako, ndetse bagahita babihuza n'intambara Ukraine iri guhanganamo n'u Burusiya, aho bamwe bavuga ko iyo uwo mukobwa aba Umurusiya, atari no kugera mubahatana.
Carolina Shiino n'ibisonga bye
