Belcalis Marlenis Cephus amazina nyakuri y'umuhanzikazi ukomoka muri Leta Zunze Ubumwe z'Amerika Cardi B, yahamagariye impande zombi zihanganye mu ntambara ya Israel na Hamas aho bahanganiye mu ntara ya Gaza guhera mu Ukwakira 2023 gushyira intwaro hasi.
Mu kiganiro Cardi B yagiranye n'abakunzi be ku mbuga nkoranyambaga, yavuze ko yifuza ko inzirakarengane zarekera kwicwa muri iyi ntambara, akagaragaza ko yifuza amahoro arambye muri Gaza.
Nubwo Cardi B yifuza ko intambara ihagarara, ariko kandi Israel ivuga ko izahagarika imirwano ari uko imaze gusenya burundu Hamas, icyakora ibiganiro by'amahoro birakomeje aho abahuza barimo Qatar, Misiri n'abandi barimo gukora ibishoboka ngo intambara ihagarare.
Guhera intambara yatangira, Abanya-Palestine 39,145 bamaze kwicwa, abandi 90,257 barakomeretse mu gihe abandi 1,478 bishwe muri Israel.
