Umuraperikazi Cardi B yarangije gushyikiriza dosiye urukiko asaba ko yatandukana n'umugabo we Offset nawe w'umuraperi bashyingiranwe mu 2017 mu ibanga rikomeye.
Ikinyamakuru cya Page Six cyabimburiye abandi gutangaza iyi nkuru, cyavuze ko Cardi B yasabye Urukiko ko abana babiri babyaranye aribo Kulture w'imyaka itanu na Wave w'imyaka ibiri ari we wazabarera.
Ku rundi ruhande, ibinyamakuru bimwe biremeza ko kwaka gatanya kwa Cardi B ntaho bihuriye no gucana imyuma, ahubwo ko ari ubushake bwabo, nubwo hari ibindi bivuga ko ahubwo gucana inyuma ari cyo gitumye yaka gatanya.
Mu Ukuboza 2023, Cardi B yari yashinje umugabo we kumuca inyuma, ndetse hakwirakwiye amakuru ko baba batandukanye, ariko bigeze mu bihe by'iminsi mikuru abantu batungurwa no kubabonana.
