USA: Trevor Noah agiye gusezera muri The Daily Show

USA: Trevor Noah agiye gusezera muri The Daily Show

 Sep 30, 2022 - 10:57

Umunyarwenya Trevor Noah agiye gusezera muri The Daily Show nyuma y’imyaka irindwi isi imutije amatwi n’amaso.

Umunyarwenya Trevor Noah ukomoka muri Afurika y’epfo  yatangaje ko agiye gusezera mu kiganiro The Daily Show yari amaze imyaka irindwi akora.

Noah ukunzwe na benshi kubera kumenya gutera urwenya n’umusingo yatangaje ko nyuma yo kumara imyaka ibiri mu nzu kubera Covid-19 yasanze hari ikindi gice cy’ubuzima akeneye kubaho kurushaho.

The Daily Show ni ikiganiro cy’urwenya , cyakira ibyamamare ndetse kikanagaruka ku makuru agezweho mu isi  gikunzwe na benshi mu isi kugeza inaha mu Rwanda.

Paramount Global cable network itegura iki kiganiro yatangaje ko nubwo igihe cya Noah w’imyaka 38 cyo gusezera kitazwi bari gutegura uko kizajya gikorwa nasezera birinda gutangaza ushobora kumusimbura.

Trevor Noah yatangiye gukora iki kiganiro mu 2015 ubwo Jon Stewart yasezeraga nyuma y’imyaka 16 ari we ugikora.

The Daily Show imaze imyaka 26 gikunzwe.

Iki kiganiro kimara byibuze iminota 30 cyatangiye bwa mbere tariki 22 Nyakanga 1996 gitangira gikorwa na Craig Kilborn kugeza tariki 17 Ukuboza 1998 ubwo yasimburwaga Joh Stewart.

Stewart yatangiye inshingano tariki 11 Mutarama 1999 kugeza 06 Kanama 2015 ubwo yasezeraga agasiga ikiganiro kimaze gukundwa cyane ku ngingo zirimo iza politike n’amakuru rusange bivanzemo urwenya rwinshi bitandukanye n’uwo yari asimbuye wibandaga ku myidagaduro.

Stewart yasimbuwe n’Umunyarwenya Trevor Noah kuva tariki 28 Nzeri 2015 ikiganiro gihindurirwa izina kitwa The Daily Show with Trevor Noah , mu gihe mbere kitwaga The Daily Show with Joh Stewart na The Daily Show with Craig Kilborn.

Umunyarwenya Trevor Noah agiye gusezera muri The Daily Show nyuma y’imyaka 7.[Net-photo]

View this post on Instagram

A post shared by The Choice (@thechoice_live)