The Choice Recap: Inkuru zaranze icyumweru dutambutse -AMAFOTO

The Choice Recap: Inkuru zaranze icyumweru dutambutse -AMAFOTO

Date: May 2, 2022 - 08:28   || Updated: May 2, 2022 - 08:29


The Choice Live buri ku wa mbere mu gitondo ibagezaho inkuru zaranze icyumweru kiba gitambutse. Izi nkuru zi iza hagati ya tariki 24 Mata kugeza 01 Gicurasi.

Ni icyumweru cyaranze n’inkuru nyinshi mu Nguni zose yaba politike , ubutabera, imyidagaduro, siporo n’ibindi.

Kuva ku byamamare byagize isabukuru z’amavuko kugeza ku ifungwa ry’Umuyobozi mukuru wa Rwanda Inspiration Backup itegura Miss Rwanda n’izindi.

The Choice Live igiye kuzinyuramo mu buryo bw’inshamake ku buryo abasomyi bacu  babasha kumenya ibyaranze icyumweru dutambutse mu gihe gito.

Dore inkuru zaranze icyumweru nuko zakurikiranaga.

Umuyobozi mukuru wa Giti Business Group Bugingo Bonny wamamaye nka Junior Giti yagize isabukuru y’amavuko.

Perezida Emmanuel Macron w’Ubufaransa yatorewe kuyobora iki gihugu kuri manda ya kabiri.

Perezida Paul Kagame  w’u Rwanda yagendereye Ubugande  guhura na mugenzi we Perezida Yoweri Kaguta Museveni nyuma y’imyaka ine.

Abahanzi bakomeye muri Wasafi barimo Diamond Platnumz, Rayvanny na Mbosso bibasiwe n’abahanga muri murandasi bashaka gushimuta imiyoboro ya YouTube zabo birabananira.

Umuherwe wa mbere ku isi Elon Musk yaguze urubuga rukoranya imbaga rwa Twitter.

Umuyobozi wa Rwanda Inspiration Backup itegura Miss Rwanda Ishimwe Dieudonne uzwi nka Prince Kid yatawe muri yombi akekwaho ibyaha bifitanye isano n’ihohotera rishingiye ku gitsina ryakorewe ba Nyampinga mu bihe bitandukanye.

Umuhanzi Itahiwacu Bruce wamenyekanye nka Bruce Melodie yamuritse indirimbo nshya yakoranye na Eddy Kenzo ukomeye muri Afurika y’iburasirazuba. Uyu muhanzi kandi yanakiriye mu Rwanda itsinda rikomeye mu muziki w’aka karere rizwi nka B2C.

Ubushinjacyaha bukuru bw’u Rwanda bwakiriye Jean Paul Micomyiza ukekwaho uruhare muri Jenoside yakorewe abatutsi 1994.

Perezida  Kagame yakiriye ku meza abahagarariye ibihugu bitandukanye mu Rwanda. Ni umuhango wabereye muri Kigali Convention Center.

Umunyamakuru w’umunyamideri Uwamwezi Mugire uzwi nka Bianca Baby yatangaje ko imyiteguro y’ibirori by’imideri bizwi nka Bianca Fashion Hub bigiye kuba ku nshuro ya kabiri abigeze kure.

Leta ya Vladimir Putin yafungiye gaze na Peteroli ibihugu bya Pologne na Bulgaria kubwo kwanga kuyigura mu mafaranga akoreshwa mu burusiya.

Ikiganiro “Urukiko rw’ubujurire” cyahagaritswe ku mpamvu zuko abagikoraga barimo Taifa Bruno berekeje mu mahanga.

Umuhanzi ukomeye muri Afurika Wizkid ukomoka muri Nijeriya yaciye agahigo ko kuba umuhanzi wa mbere ku mugabane wose wishyuwe miliyari 1frw (1,000,000$) mu gitaramo.

Umuhanzi ukomeye mu njyana ya Gakondo mu Rwanda Jules Sentore yatangiye gutarama mu bitaramo by’uruhererekane ku mugabane w’Uburayi.

Umuhanzikazi Nak  ukomoka muri Australia yashyize hanze amafoto agaragaza we na Bruce Melodie bari gufata amashusho y’indirimbo byavugwaga ko bakoranye.

Rocky Kimomo nyuma  yo gutandukana n’umuraperi Papa Cyangwe , amaso ayahanze umuhanzi wakanyujijeho mu myaka ya kera uzwi nka Ganza.

Ku nshuro ya mbere Madamu  Jeannette Kagame n’umukobwa we Ange Kagame bakiriye  ku meza ba Nyampinga barindwi ndetse n’abandi bakobwa bitabiriye iri rushanwa mu bihe bitandukanye.

Umukinnyi wa Filime Uwihoreye Jean Bosco uzwi nka Ndimbati urukiko rwanzuye ko yongera gufungwa iminsi 30 mu gihe ibimenyetso bigikusanywa.

Urubanza rw’abasore bagaragaye bakubita bunyamaswa nyiri Neptunez Band rwarasubitswe.

Umuhanzi Bruce Melodie yatangaje ko yongereye urutonde rw’ibihugu azataramamo ku mugabane w’Uburayi. Ibihugu byavuye kuri bitatu biba bitanu ndetse arenzaho ko azakomereza muri Leta Zunze Ubumwe z’Amerika.

Abakinnyi b’ikipe ya Rayon Sports barigaragambije banga gukora imyitozo kubera kudahembwa.

Umukunzi wa Rihanna witwa Asap Rocky yafatanywe imbunda nyinshi nyuma inzego z’umutekano zisanga sizo zakoreshejwe mu iraswa ryo mu 2021.

Umunyarwandakazi ukorera umuziki mu bubiligi witwa Marie Pierra Kakoma yagiranye amasezerano na Roc Nation ya Jay z.

Uburusiya bwahengereye umunyamabanga mukuru wa Loni Antoni Guterres ageze muri Ukraine bubona kurasa ibisasu bya Misile mu murwa mukuru i Kyiv.

Umuraperi Jonathan Kirk [Da Baby] yashinjijwe gukubita nyir’inzu wamubuzaga gufatiramo amashusho y’indirimbo ze.

Burna Boy yabaye umuhanzi wa mbere muri Afurika wujuje Maddison Square Garden muri New York yakira abarenga ibihugu 20.

Abakinnyi b’ikipe ya PSG barimo Sergio Ramos , Navas na Draxler bageze mu Rwanda n’imiryango yabo aho baje gusura pariki y’ibirunga.

Inama nkuru y’umuryango RPF Inkotanyi yateranye Ku nshuro ya 15 muri  Kigali Arena iyoborwa na Nyakubahwa Perezida Paul Kagame usanzwe ari n’umuyobozi mukuru.

Mino Riola warebereraga inyungu z’abakinnyi barimo Ibrahimovic na Paul Pogba yitabye Imana.

Umuryango wako  Yannick Mukunzi wibarutse umwana wa kabiri w’uyu rutahizamu.

Ikipe ya Real Madrid yatwaye igikombe cya Shampiyona ya Espanye mu gihe habura imikino ine ngo irangire.

Rutahizamu wa Apr Fc n’ikipe y’igihugu Amavubi Lague Byiringiro n’umugore we bagiye kwibaruka imfura yabo.

Abasore 18 nibo bakuwe mu 75 bari bahataniye kujya mu mwiherero w’irushanwa ryo gushaka Rudasumbwa w’u Rwanda 2022.

Perezida Kagame yitabiriye siporo rusange izwi nka Car Free Day ndetse agenderera uduce twa Biryogo.

Umunyamakuru Murindahabi Irene yasezeye kuri televiziyo Isibo mu kiganiro The Choice Live ikiganiro yari akoze imyaka irenga ibiri.

Hon Dr Frank Habineza yemereye The Choice Live nubwo yatsinzwe amatora yo mu 2017 arateganya kongera kwiyamamaza mu matora y’umukuru w’igihugu ateganyijwe mu 2024.

IMG_2023.jpeg

IMG_2058.jpeg

IMG_2044.jpeg