Tanzania: Mutesi Jolly na Rena Callist bategura Miss East Africa barashinjwa ubwambuzi

Tanzania: Mutesi Jolly na Rena Callist bategura Miss East Africa barashinjwa ubwambuzi

Date: Jun 17, 2022 - 13:04   || Updated: Jun 17, 2022 - 16:03


Hari kompanyi itegura amafunguro muri Tanzania uri gushinja abategura Miss East Africa ubwambuzi.

Iyi kompanyi ibinyujije kuri konti ya instagram, yifashishije amafoto ya Miss Jolly ubwo yagiranaga ikiganiro n’itangazamakuru ari kumwe n’umunyamabanga mukuru muri “Art Council” muri Tanzaniya, ndetse na Perezida wa Miss East Africa maze imushinja ubwambuzi.

Iyi kompanyi ishinja Mutesi Jolly na “Rena Events” bafatanyije gutegura irushanwa rya Miss East Africa kuba batarabishyuye, kandi aribo bagaburiraga abaryitabiriye bose ubwo bari mu mwiherero.

Mu butumwa yanyujije kuri instagram, Miss Mutesi Jolly yabwiye iyi kompanyi ko yakishuza Rena Events, kuko ngo we ntaho yari ahuriye no kwishuzwa ibyakoreshejwe mu myiteguro y’iryo rushanwa.

Mutesi Jolly na Rena Events ndabasabye nkeneye amafaranga nakoreye mu mwiherero (Camp), none mwirengagije kunyishyura. Mutesi  Jolly , uzi Rena Events ndetse niwowe wamuhamagaye kandi nshaka ko unyishyura kuko yabeshye ibijyanye no kwishyurwa kwanjye.’’ Catersseason.

Nyuma y’ubwo butumwa, Miss Mutesi Jolly nawe ntiyaripfanye kuko yahise asubiza Catersseason agira ati’ “Ndabasabye muvugane na Rena Events, Rena Callist, kuko mwavuganaga nawe. Amakimbirane yanyu ntabwo akwiye kugira ingaruka ku bandi badafitanye ikibazo na company. Birababaje kuba muri guca muri ibi byose. Ndi umujyanama wihariye ntabwo mfite aho mpuriye na Rena Event murakoze.’’

Catersseason nayo yongeye kugira icyo irenzaho kubyo Miss Mutesi Jolly yari atangaje, igira iti’ “Kandi bigaragara ko wakoranye n'abantu batari abizerwa mu gutegura icyo gitaramo.’’

Miss Jolly Mutesi yahawe amasezerano yo gutegura irushanwa rya Miss East Africa mu myaka itanu.

IMG_1111.jpeg