Russia-Ukraine: Ingabo z'Uburusiya zigeze iza Ukraine, hamwe ifundi igera ibivuzo

Russia-Ukraine: Ingabo z'Uburusiya zigeze iza Ukraine, hamwe ifundi igera ibivuzo

Date: Jun 19, 2022 - 21:40   || Updated: Jun 20, 2022 - 09:35


Amakuru aturuka muri Ukraine agaragaza ko muri iyi minsi ingabo z'Uburusiya zifite indi sura itandukanye n'iyo zari zifite mu ntangiriro z'iyi ntambara.

Inshamake ku byaranze iyi ntambara mu masaha ashize.

Umunyamabaga mukuru wa NATO, Jenes Stoltenberg, yavuze ko intambara y’Uburusiya na Ukraine, ishobora kumara imyaka, asaba ibihugu, koherereza Ukraine intwaro zo gufasha ingabo za Ukraine guhangana n’Uburusiya.

TASS yatangaje ko abasirikare bakuru ba Ukraine bari bahagariye ingabo zarwanaga ku ruganda rw’ibyuma rwa Azovstal, boherejwe mu Burusiya mu rwego rw’iperereza.

Umuyobozi w’intara ya Luhansk Serhiy Haidai, yavuze ko yiteze ko ibintu bigiye kudogera kurushaho, kubera ko ingabo z’Uburusiya zakamejeje muri iki gice cy’uburasirazuba.

Igisirikare cya Ukraine cyatangaje ko gisumbirijwe mu gace ka Metolkine, gaherereye mu majyepfo ashyira uburasirazuba bw’umugi wa Severodonetsk.

Perezida wa Ukraine Volodymyr Zelenskyy yasuye ingabo ziri ku rugamba mu mugi wa Mykolaiv, na Odesa, avuga ko izi ngabo ze nta nshiti zizatsinda Uburusiya.

Ingabo za Ukraine zakoreshaga imbunda kabuhariwe y'Abafaransa, 125mm/52-calibre, barasa ku birindiro by'ingabo z'Uburusiya mu burasirazuba, muri Donbas[Aries Menssinis/AFP]

Sosiyeti yo mu gihugu cy’Ubutariyani ENI, icuruza ibikomoka ku bitoro (petrol), birimo amavuta na gaze, yaguze imigabane mu kitwa “Qatar gas project”.

Nyuma y’iminsi mike Uburusiya buhagaritse kohereza gaze mu Butariyani, sosiyeti y’ingufu yitwa ENI, yatangaje ko yabaye umwe mu bafatanyabikorwa, b’umushinga wa Qatar w’ingufu(Qatar Energy project).

Iyi sosiyeti ya ENI, yoyunze ku yindi sosiyeti, y’Abafaransa, yitwa TotalEnergies, yari ifite imigabane ingana na 6.25%, ifite agaciro ka miliyari 2 z’Amadorari y’Amerika. Uyu mushinga ufite agaciro ka miliyari 28 z’Amadorari y’Amerika. Hakaba byitezwe ko hashobora kwinjiramo ibindi bihugu.

Ubudage burimo gutegura ingamba zizafasha mu guhangana n’ikibazo cya gaze y’Uburusiya yahagaritswe muri iki gihugu.

Minisitiri w’ubukungu mu gihugu cy’Ubudage, Robert Hebeck, arimo kurushaho gushaka ingamba zafasha iki gihugu kugabanya ikoreshwa rya gaze no gushaka ahandi bakura izindi ngufu zo kwifashisha hatari mu Burusiya, nk’imwe mu nzira zizafasha Ubudage kutazahazwa n'icyemezo cy’Uburusiya cyo kutohereza gaze muri iki gihugu.

Hagomba kugabanywa ikoreshwa rya gaze mu kubyara ingufu, mu nganda, ndetse hakabanza kuzuzwa ibigega muri iyi minsi ibintu bitarazamba cyane, mu rwego rwo kwiteganyiriza. Leta ikaba irimo gukusanya amamiliyari agomba gufasha mu ishyirwa mu bikorwa ry’izi ngamba.

 Ingabo z’Uburusiya, zafatiyeho zigana imbere mu mugi wa Kharkiv.

Ibintu ntabwo bimeze neza ku ngabo za Ukraine, kuko ingabo z’Uburusiya, zariye karungu mu majyaruguru ya Ukraine mu mugi wa Kharkiv, umujyi wa kabiri munini muri iki gihugu, zishaka kuwugota.

Umujyanama muri Minisiteri y’ibikorwa by’imbere mu gihugu cya Ukraine, Vadmy Denysenko, yabwiye tereviziyo yo muri iki gihugu ko Uburusiya burajwe ishinga no kuzenguruka uyu mugi wa Kharkiv.

Ubu ni ububiko bwasenywe n'ibitero by'ingabo z'Uburusiya, mu mugi wa Kharkiv [Vitalii Hnidyi/Reuters]

Perezida wa Ukraine Volodymyr Zelenskyy, yarahiye ko igihugu cye kigomba kugaruza agace k’amajyepfo kabaye indiri y’ingabo z’Uburusiya.

Uyu mukuru w’igihugu yasezeranyije abantu ko ingabo ze zigomba kugaruza uduce two mu majyepfo, twari twarigaruriwe n’ingabo z’Uburusiya.

Zelenskyy yagize ati:” Ntabwo twakwemera kurekura amajyepfo ngo tuyahe abanzi.” Ibi yabivuze nyuma yo kuva gusura ingabo ze zirimo kurwana urugamba mu jyepfo y’iki gihugu. Yarahiye ko agomba gusubiza Ukraine icyahoze ari icyayo cyose.

Yavuze ko kandi Ukraine izagenda yongera kugera ku nyanja gakegake.

Ibitero by’ingabo z’Uburusiya byakajije umurego ku ngabo za Ukraine.

Umugi w’inganda wa Sievierodonetsk, ingabo z’Uburusiya zikeneye gufata kurusha indi yose mu rwego rwo kwigarurira intara ya Luhansk, imwe mu ntara ebyiri zigize igice cya Donbas, hongeye kuba isibaniro ry’intambara y’ibisasu biremereye, nk’uko byatangajwe n’ingabo za Ukraine.

Umuyobozi wa Luhansk, Serhiy Haidai yagize ati: “Birakomeye.” Yongeyeho ko  ingabo z’Uburusiya zirimo gukoresha indege zitagira abapirote(drones) zibafasha guhita bavumbura aho ingabo za Ukraine zimuriye ibirindiro.

Yagize ati:”Ingabo na none zongeye kugota uduce turimo ibiraro(amateme). “ Serhiy Haidai yongeyeho ko uruganda rutunganya ibinyabutabire, rwa Azot, rwari rwihishemo amagana y’abantu, rwarashweho inshuro ebyiri.

Ibitero by'ingabo z'Uburusiya, barashe ku ruganda rw'ibinyabutabire rwa Azot muri Severodonetsk[Oleksandr Ratushniak/Reuters]

Abantu babiri bitabye Imana, abandi 15, barakomereka, mu mugi wa Novomokovsk.

Umuntu umwe yitabye Imana, abandi babiri barakomereka nyuma y’iturika ry’ikigega cy’ibitoro, ryabereye mu gace ka Novomokovsk. Abashinzwe kuzimya umuriro bahise batabara. Iri turika ryatewe n’ibisasu ingabo z’Uburusiya zateye muri aka gace nk’uko byatangajwe n’umuyobozi w'uyu mugi, Valentyn Reznichenko.

Kuri iki cyumweru na none umuntu umwe yitabye Imana, abagera kuri 13 bakomerekera muri icyo gitero.

Umunyamabanga mukuru w’umuryango wa NATO, Jenes Stoltenberg, yaburiye isi ko intambara y’Uburusiya na Ukraine, ishobora kumara igihe kirekire.

Uyu muyobozi yavuze ko iyi ntambara ishobora kumara imyaka, asaba ibihugu koherereza Ukraine intwaro zishobora gufasha abasirikare bayo guhangana n’ingabo z’Uburusiya.

Yagize ati:”Tugomba kwitegura ko iyi ntambara ishobora kumara igihe kirekire, kandi ntitwigande mu gutera inkunga igihugu cya Ukraine. N’ubwo bitoroshye  kuko byaba ibijyanye n’ingabo, ndetse n’izamuka ry'ibiciro ry’ingufu, ndetse n’ibyo kurya, bizakomeza kugenda bidukoma mu nkokora."

Ingabo za Ukraine zirasumbirijwe hafi y’umugi wa Severodonetsk.

Igisirikare cya Ukraine cyatangaje ko ingabo z’iki gihugu, zisumbirijwe n’ingabo z’Uburusiya mu gace ka Metolkine gaherereye mu majyepfo ashyira uburasirazuba bw’umugi wa Severodonetsk. Ukraine yongeyeho ko ibitero by’ingabo z’Uburusiya, byabashije gutanga insinzi kuri iki gihugu, muri aka gace ka Metolkine.

Andi makuru yavaga mu gisirikare, cya Ukraine yavugaga ko ingabo z’iki gihugu, zabujije ingabo z’Uburusiya gukomeza kwigira imbere mu gace ka Syrotyne.

Umuyobozi w’intara ya Luhansk ati:”Mwitegure ikibi”

Uyu muyobozi w’umugi wa Luhansk Serhiy Haidai, yabwiye ibiro ntaramakuru by’Ubufaransa AFP, ko ingabo z’Uburusiya zikomeje kugota ibirindiro by’ingabo za Ukraine.

Haidai yagize ati:”Mwitegure ikibi, naho ikiza cyo kizizana.” Ibi yabivugiye mu mugi wa Lysychansk, aho aharimo gutegurirwa imirwano ku mihanda.

Haidai yavuze ko byaba byiza itwaro karundura zoherejwe muri iki gihugu vuba bishoboka. Yongeyeho ko n’ubwo Uburayi na Amerika barimo kubafasha, kandi bakaba banabishima, ariko ngo ibikorwa byo kohereza intwaro zikomeye kurushaho, birimo gutinzwa cyane.

 

 

 

 

 

 

 
Russia-Ukraine: Ingabo z'Uburusiya zigeze iza Ukraine, hamwe ifundi igera ibivuzo

Russia-Ukraine: Ingabo z'Uburusiya zigeze iza Ukraine, hamwe ifundi igera ibivuzo

 Jun 19, 2022 - 21:40

Amakuru aturuka muri Ukraine agaragaza ko muri iyi minsi ingabo z'Uburusiya zifite indi sura itandukanye n'iyo zari zifite mu ntangiriro z'iyi ntambara.

Inshamake ku byaranze iyi ntambara mu masaha ashize.

Umunyamabaga mukuru wa NATO, Jenes Stoltenberg, yavuze ko intambara y’Uburusiya na Ukraine, ishobora kumara imyaka, asaba ibihugu, koherereza Ukraine intwaro zo gufasha ingabo za Ukraine guhangana n’Uburusiya.

TASS yatangaje ko abasirikare bakuru ba Ukraine bari bahagariye ingabo zarwanaga ku ruganda rw’ibyuma rwa Azovstal, boherejwe mu Burusiya mu rwego rw’iperereza.

Umuyobozi w’intara ya Luhansk Serhiy Haidai, yavuze ko yiteze ko ibintu bigiye kudogera kurushaho, kubera ko ingabo z’Uburusiya zakamejeje muri iki gice cy’uburasirazuba.

Igisirikare cya Ukraine cyatangaje ko gisumbirijwe mu gace ka Metolkine, gaherereye mu majyepfo ashyira uburasirazuba bw’umugi wa Severodonetsk.

Perezida wa Ukraine Volodymyr Zelenskyy yasuye ingabo ziri ku rugamba mu mugi wa Mykolaiv, na Odesa, avuga ko izi ngabo ze nta nshiti zizatsinda Uburusiya.

Ingabo za Ukraine zakoreshaga imbunda kabuhariwe y'Abafaransa, 125mm/52-calibre, barasa ku birindiro by'ingabo z'Uburusiya mu burasirazuba, muri Donbas[Aries Menssinis/AFP]

Sosiyeti yo mu gihugu cy’Ubutariyani ENI, icuruza ibikomoka ku bitoro (petrol), birimo amavuta na gaze, yaguze imigabane mu kitwa “Qatar gas project”.

Nyuma y’iminsi mike Uburusiya buhagaritse kohereza gaze mu Butariyani, sosiyeti y’ingufu yitwa ENI, yatangaje ko yabaye umwe mu bafatanyabikorwa, b’umushinga wa Qatar w’ingufu(Qatar Energy project).

Iyi sosiyeti ya ENI, yoyunze ku yindi sosiyeti, y’Abafaransa, yitwa TotalEnergies, yari ifite imigabane ingana na 6.25%, ifite agaciro ka miliyari 2 z’Amadorari y’Amerika. Uyu mushinga ufite agaciro ka miliyari 28 z’Amadorari y’Amerika. Hakaba byitezwe ko hashobora kwinjiramo ibindi bihugu.

Ubudage burimo gutegura ingamba zizafasha mu guhangana n’ikibazo cya gaze y’Uburusiya yahagaritswe muri iki gihugu.

Minisitiri w’ubukungu mu gihugu cy’Ubudage, Robert Hebeck, arimo kurushaho gushaka ingamba zafasha iki gihugu kugabanya ikoreshwa rya gaze no gushaka ahandi bakura izindi ngufu zo kwifashisha hatari mu Burusiya, nk’imwe mu nzira zizafasha Ubudage kutazahazwa n'icyemezo cy’Uburusiya cyo kutohereza gaze muri iki gihugu.

Hagomba kugabanywa ikoreshwa rya gaze mu kubyara ingufu, mu nganda, ndetse hakabanza kuzuzwa ibigega muri iyi minsi ibintu bitarazamba cyane, mu rwego rwo kwiteganyiriza. Leta ikaba irimo gukusanya amamiliyari agomba gufasha mu ishyirwa mu bikorwa ry’izi ngamba.

 Ingabo z’Uburusiya, zafatiyeho zigana imbere mu mugi wa Kharkiv.

Ibintu ntabwo bimeze neza ku ngabo za Ukraine, kuko ingabo z’Uburusiya, zariye karungu mu majyaruguru ya Ukraine mu mugi wa Kharkiv, umujyi wa kabiri munini muri iki gihugu, zishaka kuwugota.

Umujyanama muri Minisiteri y’ibikorwa by’imbere mu gihugu cya Ukraine, Vadmy Denysenko, yabwiye tereviziyo yo muri iki gihugu ko Uburusiya burajwe ishinga no kuzenguruka uyu mugi wa Kharkiv.

Ubu ni ububiko bwasenywe n'ibitero by'ingabo z'Uburusiya, mu mugi wa Kharkiv [Vitalii Hnidyi/Reuters]

Perezida wa Ukraine Volodymyr Zelenskyy, yarahiye ko igihugu cye kigomba kugaruza agace k’amajyepfo kabaye indiri y’ingabo z’Uburusiya.

Uyu mukuru w’igihugu yasezeranyije abantu ko ingabo ze zigomba kugaruza uduce two mu majyepfo, twari twarigaruriwe n’ingabo z’Uburusiya.

Zelenskyy yagize ati:” Ntabwo twakwemera kurekura amajyepfo ngo tuyahe abanzi.” Ibi yabivuze nyuma yo kuva gusura ingabo ze zirimo kurwana urugamba mu jyepfo y’iki gihugu. Yarahiye ko agomba gusubiza Ukraine icyahoze ari icyayo cyose.

Yavuze ko kandi Ukraine izagenda yongera kugera ku nyanja gakegake.

Ibitero by’ingabo z’Uburusiya byakajije umurego ku ngabo za Ukraine.

Umugi w’inganda wa Sievierodonetsk, ingabo z’Uburusiya zikeneye gufata kurusha indi yose mu rwego rwo kwigarurira intara ya Luhansk, imwe mu ntara ebyiri zigize igice cya Donbas, hongeye kuba isibaniro ry’intambara y’ibisasu biremereye, nk’uko byatangajwe n’ingabo za Ukraine.

Umuyobozi wa Luhansk, Serhiy Haidai yagize ati: “Birakomeye.” Yongeyeho ko  ingabo z’Uburusiya zirimo gukoresha indege zitagira abapirote(drones) zibafasha guhita bavumbura aho ingabo za Ukraine zimuriye ibirindiro.

Yagize ati:”Ingabo na none zongeye kugota uduce turimo ibiraro(amateme). “ Serhiy Haidai yongeyeho ko uruganda rutunganya ibinyabutabire, rwa Azot, rwari rwihishemo amagana y’abantu, rwarashweho inshuro ebyiri.

Ibitero by'ingabo z'Uburusiya, barashe ku ruganda rw'ibinyabutabire rwa Azot muri Severodonetsk[Oleksandr Ratushniak/Reuters]

Abantu babiri bitabye Imana, abandi 15, barakomereka, mu mugi wa Novomokovsk.

Umuntu umwe yitabye Imana, abandi babiri barakomereka nyuma y’iturika ry’ikigega cy’ibitoro, ryabereye mu gace ka Novomokovsk. Abashinzwe kuzimya umuriro bahise batabara. Iri turika ryatewe n’ibisasu ingabo z’Uburusiya zateye muri aka gace nk’uko byatangajwe n’umuyobozi w'uyu mugi, Valentyn Reznichenko.

Kuri iki cyumweru na none umuntu umwe yitabye Imana, abagera kuri 13 bakomerekera muri icyo gitero.

Umunyamabanga mukuru w’umuryango wa NATO, Jenes Stoltenberg, yaburiye isi ko intambara y’Uburusiya na Ukraine, ishobora kumara igihe kirekire.

Uyu muyobozi yavuze ko iyi ntambara ishobora kumara imyaka, asaba ibihugu koherereza Ukraine intwaro zishobora gufasha abasirikare bayo guhangana n’ingabo z’Uburusiya.

Yagize ati:”Tugomba kwitegura ko iyi ntambara ishobora kumara igihe kirekire, kandi ntitwigande mu gutera inkunga igihugu cya Ukraine. N’ubwo bitoroshye  kuko byaba ibijyanye n’ingabo, ndetse n’izamuka ry'ibiciro ry’ingufu, ndetse n’ibyo kurya, bizakomeza kugenda bidukoma mu nkokora."

Ingabo za Ukraine zirasumbirijwe hafi y’umugi wa Severodonetsk.

Igisirikare cya Ukraine cyatangaje ko ingabo z’iki gihugu, zisumbirijwe n’ingabo z’Uburusiya mu gace ka Metolkine gaherereye mu majyepfo ashyira uburasirazuba bw’umugi wa Severodonetsk. Ukraine yongeyeho ko ibitero by’ingabo z’Uburusiya, byabashije gutanga insinzi kuri iki gihugu, muri aka gace ka Metolkine.

Andi makuru yavaga mu gisirikare, cya Ukraine yavugaga ko ingabo z’iki gihugu, zabujije ingabo z’Uburusiya gukomeza kwigira imbere mu gace ka Syrotyne.

Umuyobozi w’intara ya Luhansk ati:”Mwitegure ikibi”

Uyu muyobozi w’umugi wa Luhansk Serhiy Haidai, yabwiye ibiro ntaramakuru by’Ubufaransa AFP, ko ingabo z’Uburusiya zikomeje kugota ibirindiro by’ingabo za Ukraine.

Haidai yagize ati:”Mwitegure ikibi, naho ikiza cyo kizizana.” Ibi yabivugiye mu mugi wa Lysychansk, aho aharimo gutegurirwa imirwano ku mihanda.

Haidai yavuze ko byaba byiza itwaro karundura zoherejwe muri iki gihugu vuba bishoboka. Yongeyeho ko n’ubwo Uburayi na Amerika barimo kubafasha, kandi bakaba banabishima, ariko ngo ibikorwa byo kohereza intwaro zikomeye kurushaho, birimo gutinzwa cyane.