Polisi yerekanye abantu batatu bafatanwe amasashe n’amavuta

Polisi yerekanye abantu batatu bafatanwe amasashe n’amavuta

Date: Jun 11, 2021 - 14:27


Polisi yerekanye abantu batatu bafatanwe amasashe n’amavuta yangiza uruhu

Polisi y’u Rwanda ishami ryayo rishinzwe kurwanya magendu (ASOC) ryafashe abantu batatu aribo Twagiramungu Samuel w’imyaka 40 na Mugesera Fidele w’imyaka 40, aba bombi bafatanwe amavuta atemewe mu Rwanda yo kwisiga yangiza uruhu azwi ku izina rya Mukorogo n’andi bacuruzaga baguze mu buryo bwa magendu. Bafatiwe mu Karere ka Nyarugenge mu Murenge wa Kigali, naho uwitwa Ahishakiye Clementine w’imyaka 27 we yafatanwe amapaki 67 y’amasashe, afatirwa mu Karere ka Gasabo mu Murenge wa Kinyinya.

Mu gitondo cyo kuri uyu wa Kane tariki ya 10 Kamena ubwo berekwaga itangazamakuru ku cyicaro cya Polisi y’Umujyi wa Kigali giherereye mu Karere ka Gasabo mu Murenge wa Remera bemeye icyaha bagisabira n’imbabazi.

Twagiramungu Samuel yavuze ko amavuta ya mukorogo yatangiye kuyacuruza kuva COVID-19 itangiye ayaranguye n’abagore bayamuzaniraga aho acururiza.

Ati “Hari abagore bazaga bahetse ibikapu aho ncururiza ubuconsho mu iduka bakambwira ko bafite imari bakayinyereka ari ayo mavuta ya mukorogo nkarangura nabo nanjye nkayacuruza mbizi neza ko atemewe. Ndasaba imbabazi z’ibyo nakoraga nkanagira inama bagenzi banjye bacuruza amavuta ya mukorogo kimwe n’ibindi bitemewe bibwira ko Polisi itabageraho, baribeshya kuko ntibazamenya igihe yabagereyeho ikiruta ni uko babireka.”

Ahishakiye we yavuze ko yari amaze igihe cy'ukwezi acuruza amasashe,avuga ko yayakuraga mu Karere ka Rulindo akayacururiza mu rugo aho atuye mu Karere ka Gasabo mu Murenge wa Kinyinya. 

Ati “Nibwiraga ko ndimo nshaka amafaranga ariko birangiye inyungu nkuyemo ariyo gufatwa, ndagira inama bagenzi banjye bazi ko bacuruza amasashe cyangwa bayapfunyikiramo abantu kubireka kuko bihanwa n’amategeko, bashake amafaranga banyuze mu nzira zemewe.”

Umuvugizi wa Polisi y’u Rwanda, Commissioner of Police (CP) John Bosco Kabera yavuze ko ifatwa ry’aba bantu batatu ari amakuru Polisi yahawe n’abaturage.

Yagize ati “Nta cyumweru kirashira twerekanye abantu bafatanwe mukorogo n’amasashe, none ejo twarongeye dufata abandi. Aba bantu bakagombye kuba bararebye bagenzi babo bafashwe bagakuramo isomo nabo bakareka kubicuruza, niyo mpamvu abantu bose babona ibi ntibabicikeho tuzakomeza kubafata.”

CP Kabera yavuze ko amasashe yaciwe mu gihugu ndetse n’amavuta azwi ku izina rya mukorogo ntiyemewe mu Rwanda, abacuruza ibicuruzwa byinjijwe mu buryo bwa magendu bihanwa n’amategeko, abantu rero babirengaho bagakomeza kubicuruza bibwira ko Polisi izarambirwa kubafata baribeshya ntizigera ibaha agahenge ibyaba byiza babireka bagakora ubucuruzi bwemewe.

Itegeko nº68/2018 ryo ku wa 30/08/2018 riteganya ibyaha n’ibihano muri rusange Ingingo ya 266 ivuga ko  Umuntu wese ukora, ugurisha, utanga ibintu bibujijwe bikurikira: umuti; ibintu bihumanya; ibintu binoza cyangwa bisukura umubiri; ibindi bikomoka ku bimera; aba akoze icyaha. Iyo abihamijwe n’urukiko, ahanishwa igifungo kitari munsi y’umwaka umwe (1) ariko kitarenze imyaka ibiri (2) n’ihazabu y’amafaranga y’u Rwanda atari munsi ya miliyoni eshatu (3.000.000 FRW) ariko atarenze miliyoni eshanu (5.000.000 FRW) cyangwa kimwe gusa muri ibyo bihano.

Itegeko n° 17/2019 ryo ku wa 10/08/2019 ryerekeye kubuza ikorwa, itumizwa mu mahanga, ikoreshwa n’icuruzwa ry’amasashe n’ibikoresho bikozwe muri pulasitiki bikoreshwa inshuro imwe ingingo ya 10 ivuga ko Umuntu utumiza mu mahanga amasashe n’ibikoresho bikozwe muri pulasitiki bikoreshwa inshuro imwe ahanishwa kwamburwa ayo masashe n’ibyo bikoresho no kwishyura ihazabu yo mu rwego rw’ubutegetsi ingana n’inshuro icumi (10) z’agaciro k’ayo masashe n’ibyo bikoresho bikozwe muri pulasitiki bikoreshwa inshuro imwe.

Ingingo ya 11 ivuga ko Umuntu uranguza amasashe n’ibikoresho bikozwe muri pulasitiki bikoreshwa inshuro imwe ahanishwa ihazabu yo mu rwego rw’ubutegetsi ingana n’amafaranga y’u Rwanda ibihumbi magana arindwi (700.000 FRW) kandi ayo amasashe n’ ibyo bikoresho akabyamburwa.

Ingingo ya 12 ivuga ko Umuntu ucuruza mu buryo butaranguza amasashe n’ibikoresho bikozwe muri pulasitiki bikoreshwa inshuro imwe ahanishwa ihazabu yo mu rwego rw’ubutegetsi ingana n’amafaranga y’u Rwanda ibihumbi magana atatu (300.000 FRW) kandi ayo masashe n’ibyo bikoresho akabyamburwa.

 
Polisi yerekanye abantu batatu bafatanwe amasashe n’amavuta

Polisi yerekanye abantu batatu bafatanwe amasashe n’amavuta


Polisi yerekanye abantu batatu bafatanwe amasashe n’amavuta yangiza uruhu

Polisi y’u Rwanda ishami ryayo rishinzwe kurwanya magendu (ASOC) ryafashe abantu batatu aribo Twagiramungu Samuel w’imyaka 40 na Mugesera Fidele w’imyaka 40, aba bombi bafatanwe amavuta atemewe mu Rwanda yo kwisiga yangiza uruhu azwi ku izina rya Mukorogo n’andi bacuruzaga baguze mu buryo bwa magendu. Bafatiwe mu Karere ka Nyarugenge mu Murenge wa Kigali, naho uwitwa Ahishakiye Clementine w’imyaka 27 we yafatanwe amapaki 67 y’amasashe, afatirwa mu Karere ka Gasabo mu Murenge wa Kinyinya.

Mu gitondo cyo kuri uyu wa Kane tariki ya 10 Kamena ubwo berekwaga itangazamakuru ku cyicaro cya Polisi y’Umujyi wa Kigali giherereye mu Karere ka Gasabo mu Murenge wa Remera bemeye icyaha bagisabira n’imbabazi.

Twagiramungu Samuel yavuze ko amavuta ya mukorogo yatangiye kuyacuruza kuva COVID-19 itangiye ayaranguye n’abagore bayamuzaniraga aho acururiza.

Ati “Hari abagore bazaga bahetse ibikapu aho ncururiza ubuconsho mu iduka bakambwira ko bafite imari bakayinyereka ari ayo mavuta ya mukorogo nkarangura nabo nanjye nkayacuruza mbizi neza ko atemewe. Ndasaba imbabazi z’ibyo nakoraga nkanagira inama bagenzi banjye bacuruza amavuta ya mukorogo kimwe n’ibindi bitemewe bibwira ko Polisi itabageraho, baribeshya kuko ntibazamenya igihe yabagereyeho ikiruta ni uko babireka.”

Ahishakiye we yavuze ko yari amaze igihe cy'ukwezi acuruza amasashe,avuga ko yayakuraga mu Karere ka Rulindo akayacururiza mu rugo aho atuye mu Karere ka Gasabo mu Murenge wa Kinyinya. 

Ati “Nibwiraga ko ndimo nshaka amafaranga ariko birangiye inyungu nkuyemo ariyo gufatwa, ndagira inama bagenzi banjye bazi ko bacuruza amasashe cyangwa bayapfunyikiramo abantu kubireka kuko bihanwa n’amategeko, bashake amafaranga banyuze mu nzira zemewe.”

Umuvugizi wa Polisi y’u Rwanda, Commissioner of Police (CP) John Bosco Kabera yavuze ko ifatwa ry’aba bantu batatu ari amakuru Polisi yahawe n’abaturage.

Yagize ati “Nta cyumweru kirashira twerekanye abantu bafatanwe mukorogo n’amasashe, none ejo twarongeye dufata abandi. Aba bantu bakagombye kuba bararebye bagenzi babo bafashwe bagakuramo isomo nabo bakareka kubicuruza, niyo mpamvu abantu bose babona ibi ntibabicikeho tuzakomeza kubafata.”

CP Kabera yavuze ko amasashe yaciwe mu gihugu ndetse n’amavuta azwi ku izina rya mukorogo ntiyemewe mu Rwanda, abacuruza ibicuruzwa byinjijwe mu buryo bwa magendu bihanwa n’amategeko, abantu rero babirengaho bagakomeza kubicuruza bibwira ko Polisi izarambirwa kubafata baribeshya ntizigera ibaha agahenge ibyaba byiza babireka bagakora ubucuruzi bwemewe.

Itegeko nº68/2018 ryo ku wa 30/08/2018 riteganya ibyaha n’ibihano muri rusange Ingingo ya 266 ivuga ko  Umuntu wese ukora, ugurisha, utanga ibintu bibujijwe bikurikira: umuti; ibintu bihumanya; ibintu binoza cyangwa bisukura umubiri; ibindi bikomoka ku bimera; aba akoze icyaha. Iyo abihamijwe n’urukiko, ahanishwa igifungo kitari munsi y’umwaka umwe (1) ariko kitarenze imyaka ibiri (2) n’ihazabu y’amafaranga y’u Rwanda atari munsi ya miliyoni eshatu (3.000.000 FRW) ariko atarenze miliyoni eshanu (5.000.000 FRW) cyangwa kimwe gusa muri ibyo bihano.

Itegeko n° 17/2019 ryo ku wa 10/08/2019 ryerekeye kubuza ikorwa, itumizwa mu mahanga, ikoreshwa n’icuruzwa ry’amasashe n’ibikoresho bikozwe muri pulasitiki bikoreshwa inshuro imwe ingingo ya 10 ivuga ko Umuntu utumiza mu mahanga amasashe n’ibikoresho bikozwe muri pulasitiki bikoreshwa inshuro imwe ahanishwa kwamburwa ayo masashe n’ibyo bikoresho no kwishyura ihazabu yo mu rwego rw’ubutegetsi ingana n’inshuro icumi (10) z’agaciro k’ayo masashe n’ibyo bikoresho bikozwe muri pulasitiki bikoreshwa inshuro imwe.

Ingingo ya 11 ivuga ko Umuntu uranguza amasashe n’ibikoresho bikozwe muri pulasitiki bikoreshwa inshuro imwe ahanishwa ihazabu yo mu rwego rw’ubutegetsi ingana n’amafaranga y’u Rwanda ibihumbi magana arindwi (700.000 FRW) kandi ayo amasashe n’ ibyo bikoresho akabyamburwa.

Ingingo ya 12 ivuga ko Umuntu ucuruza mu buryo butaranguza amasashe n’ibikoresho bikozwe muri pulasitiki bikoreshwa inshuro imwe ahanishwa ihazabu yo mu rwego rw’ubutegetsi ingana n’amafaranga y’u Rwanda ibihumbi magana atatu (300.000 FRW) kandi ayo masashe n’ibyo bikoresho akabyamburwa.

close

Join our subscribers list to get the latest news, updates and special offers directly in your inbox!!!!