Ni he abahanzi nyarwanda bakura umusaruro w’ibihangano byabo ?

Ni he abahanzi nyarwanda bakura umusaruro w’ibihangano byabo ?

Date: May 27, 2022 - 14:45   || Updated: May 27, 2022 - 14:46


Ni ikibazo gihora kibazwa n’abatari bake bibaza aho abahanzi bakura umusaruro w’ibihangano bakora mu gihe bashora akayabo.

U Rwanda ni kimwe mu bihugu muri Afurika bifite umuziki uvutse vuba aha ku buryo hari byinshi bitarakemuka cyangwa ngo bibonerwe umuti nubwo hari ibyakozwe n’ibiri gukorwa.

Ikibazo cyaho abahanzi bakura umusaruro ni kimwe mu  bikomeye  kitarabonerwa umuti urambye kandi wizewe watuma abahanzi bagira isoko ihamye y’umusaruro bavana mu bihangano byabo.

The Choice Live tugiye kugaruka ku isoko abahanzi nyarwanda bakuramo umusaruro , mu gice cya Kabiri cy’iyi nkuru tuzarebera  hamwe niba koko iyo soko ihagije kugira ngo ibesheho umuhanzi , turaza no kureba ku ngaruka yaba nziza cyangwa mbi bigira ku bahanzi n’uruganda rw’imyidagaduro muri rusange.

Isoko abahanzi nyarwanda bakuramo umusaruro w’ibihangano byabo.

1. IMBUGA ZICURUZA IMIZIKI.

Ntawatinya kuvuga ko isoko ya mbere ibeshejeho benshi mu bahanzi nyarwanda ari imbuga zicuruza imiziki ziganjemo YouTube, Spotify , Audiomack, Apple , Boomplay Music n’izindi.

Izi mbuga nkoranyambaga zishyura ingano y’amafaranga runaka ku bahanzi bitewe n’umubare w’abumvise cyangwa bakareba ibihangano byabo.

Urubuga ruza imbere mu bahanzi nyarwanda ni YouTube cyane ko uru rubuga rufite umwihariko wo kugurisha amajwi n’amashusho by’ibihangano by’abahanzi.

Uru rubuga rwishyurira abahanzi ingano y’abantu bumvise cyangwa barebwe igihangano runaka mu buryo butandukanye. Hari kuba bagendera ku ingano y’igihe uwo muntu yarebye igihangano (Average View Duration) , Hari inshuro abantu basubiyemo igihangano , Umubare w’abagukurikira (Subscribers)  Hari abamamaze bakoresheje igihangano n’ubundi buryo bushyurwamo butandukanye.

Izindi mbuga zirimo Spotify, Audiomack, Apple n’izindi nazo zishyura umuhanzi zigendeye ku bantu bumvise ibihangano akora (Plays, Listeners).

Izi nazo zinjiriza benshi nubwo zitaramenyerwa cyane mu Banyarwanda ariko imibare y’abakoresha izi mbuga nawo uri kuzamuka umunsi ku wundi.

 2. IBITARAMO.

Ibitaramo ni indi soko y’umutse abahanzi bakuramo umusaruro w’ibihangano byabo.

Hari ibitaramo bitegurwa n’amakompanyi atandukanye mu rwego rw’ubucuruzi ariko bikagirira umumaro abahanzi baba bishyuwe ngo batarame.

Hari n’ibindi bitaramo abahanzi ku giti cyabo bategura mu rwego rwo kunguka no kurushaho kumenyekanisha ibihangano byabo.

Sinakwihandagaza ngo mvuge ko ibi bitaramo byari byaba byinshi cyane ku buryo abahanzi bose bajya bahabwa amafaranga ahagije ariko biri kugenda byiyongera.

 3. AMARUSHANWA N’IBIHEMBO.

Ibihembo bihembo abahanzi mu Rwanda biri kugenda byiyongera umunsi ku wundi ku buryo ntawatinya kuvuga ko biri kugenda bibungura mu buryo bumwe cyangwa ubundi.

Ku isonga hari ibihembo bya The Choice Awards bitangwa buri mwaka bigahemba abagize uruhare mu iterambere ry’uruganda rw’imyidagaduro mu Rwanda , Hari kandi Kiss Summer Awards , Isango na Muzika Awards , The Consumer’s Awards n’ibindi.

Ibi bihembo uretse kuba byamamaze ibihangano by’abahanzi binabafasha kubaka ibigwi bifite ishingiro bigatuma babasha guserukana ishema n’icyubahiro.

Muri ibi bihembo kandi harimo ibigenda bigira abaterankunga bigatuma rya shimwa bahaga abahanzi ryiyongeraho amafaranga nubwo bitaragera ku rwego rushimishize.

4.IBIGO BAMAMARIZA.

Ntawavuga ku isoko abahanzi nyarwanda bakuramo umusaruro ngo asibe kuvuga ibigo by’Ubucurizi bimaze kugirira ikizere abasore n’inkumi bari muri uyu mwuga.

Ibi bigo bitewe naho umuziki ugeze bisigaye bikoresha abahanzi mu kwamamaza ibikorwa n’ibicuruzwa byabo kugira ngo bigere kuri benshi.

Ibi nabyo byinjiriza agatubutse abahanzi batandukanye ndetse bikabafasha gukomeza urugendo rwo kunoza no gusakaza ibihangano byabo.

5. ABAHANZI BISHYURA ABANDI.

Abahanzi bafite amazina akomeye kenshi na kenshi bungukira ku bahanzi bashya baba bashaka ubwamamare.

Aba bahanzi bashya bishyura akayabo ku bahanzi bubatse amazina kugirango bakorane indirimbo zigere kuri benshi.

Ibi uretse kwinjiriza abahanzi bakuru bijya bindindiza impano z’abahanzi bashya cyane ko baba bafite ubushobozi buke.

6.IBIRAKA BYA LETA. 

Ibigo bya Leta bitandukanye bijya byifashisha abahanzi kugira ngo bigeze amabwiriza cyangwa ingamba zitandukanye ku baturage benshi biganjemo urubyiruko.

Ibi bigo byishyura akayabo kuri aba bahanzi ku buryo bibafasha gukomeza umujyo wo guhanga no kwigondera ibyangombwa bikenerwa mu buzima bwa buri munsi.

7.IMPANO Z’AMAFARANGA. 

Hari abanyarwanda batuye mu mahanga bakunda ibihangano by’abahanzi batandukanye bituma baboherereza amafaranga yo kubafasha.

Benshi mu bahanzi bajya bohererezwa amafaranga yo kubabeshaho no gukomeza gukora bya bihangano bikurura ababoherereza amafaranga.

Nkuko twabivuze mu gika cya mbere cy’iyi nkuru ubutaha tuzagaruko mu iterambere ry’ayo masoko twavuze haruguru ndetse turebere hamwe ingaruka nziza cyangwa imbi bigira ku iterambere ry’ubuhanzu n’ruganda rw’imyidagaduro mu Rwanda.

Ubutaha kandi The Choice Live tuzashakira abahanzi bari imbere y’abandi kuri izi mbuga nkoranyambaga.

IMG_9557.jpegMeddy na Bruce Melodie bari mu bahanzi binjirizwa agatubutse n’imbuga zicuruza imiziki.[Instagram-Collaged-Image].

View this post on Instagram

A post shared by The Choice (@thechoice_live)

Entertainment Writer & Analyst Documentarist-Podcaster/ Voice-Over Commercials Specialist.
 
Ni he abahanzi nyarwanda bakura umusaruro w’ibihangano byabo ?

Ni he abahanzi nyarwanda bakura umusaruro w’ibihangano byabo ?

 May 27, 2022 - 14:45

Ni ikibazo gihora kibazwa n’abatari bake bibaza aho abahanzi bakura umusaruro w’ibihangano bakora mu gihe bashora akayabo.

U Rwanda ni kimwe mu bihugu muri Afurika bifite umuziki uvutse vuba aha ku buryo hari byinshi bitarakemuka cyangwa ngo bibonerwe umuti nubwo hari ibyakozwe n’ibiri gukorwa.

Ikibazo cyaho abahanzi bakura umusaruro ni kimwe mu  bikomeye  kitarabonerwa umuti urambye kandi wizewe watuma abahanzi bagira isoko ihamye y’umusaruro bavana mu bihangano byabo.

The Choice Live tugiye kugaruka ku isoko abahanzi nyarwanda bakuramo umusaruro , mu gice cya Kabiri cy’iyi nkuru tuzarebera  hamwe niba koko iyo soko ihagije kugira ngo ibesheho umuhanzi , turaza no kureba ku ngaruka yaba nziza cyangwa mbi bigira ku bahanzi n’uruganda rw’imyidagaduro muri rusange.

Isoko abahanzi nyarwanda bakuramo umusaruro w’ibihangano byabo.

1. IMBUGA ZICURUZA IMIZIKI.

Ntawatinya kuvuga ko isoko ya mbere ibeshejeho benshi mu bahanzi nyarwanda ari imbuga zicuruza imiziki ziganjemo YouTube, Spotify , Audiomack, Apple , Boomplay Music n’izindi.

Izi mbuga nkoranyambaga zishyura ingano y’amafaranga runaka ku bahanzi bitewe n’umubare w’abumvise cyangwa bakareba ibihangano byabo.

Urubuga ruza imbere mu bahanzi nyarwanda ni YouTube cyane ko uru rubuga rufite umwihariko wo kugurisha amajwi n’amashusho by’ibihangano by’abahanzi.

Uru rubuga rwishyurira abahanzi ingano y’abantu bumvise cyangwa barebwe igihangano runaka mu buryo butandukanye. Hari kuba bagendera ku ingano y’igihe uwo muntu yarebye igihangano (Average View Duration) , Hari inshuro abantu basubiyemo igihangano , Umubare w’abagukurikira (Subscribers)  Hari abamamaze bakoresheje igihangano n’ubundi buryo bushyurwamo butandukanye.

Izindi mbuga zirimo Spotify, Audiomack, Apple n’izindi nazo zishyura umuhanzi zigendeye ku bantu bumvise ibihangano akora (Plays, Listeners).

Izi nazo zinjiriza benshi nubwo zitaramenyerwa cyane mu Banyarwanda ariko imibare y’abakoresha izi mbuga nawo uri kuzamuka umunsi ku wundi.

 2. IBITARAMO.

Ibitaramo ni indi soko y’umutse abahanzi bakuramo umusaruro w’ibihangano byabo.

Hari ibitaramo bitegurwa n’amakompanyi atandukanye mu rwego rw’ubucuruzi ariko bikagirira umumaro abahanzi baba bishyuwe ngo batarame.

Hari n’ibindi bitaramo abahanzi ku giti cyabo bategura mu rwego rwo kunguka no kurushaho kumenyekanisha ibihangano byabo.

Sinakwihandagaza ngo mvuge ko ibi bitaramo byari byaba byinshi cyane ku buryo abahanzi bose bajya bahabwa amafaranga ahagije ariko biri kugenda byiyongera.

 3. AMARUSHANWA N’IBIHEMBO.

Ibihembo bihembo abahanzi mu Rwanda biri kugenda byiyongera umunsi ku wundi ku buryo ntawatinya kuvuga ko biri kugenda bibungura mu buryo bumwe cyangwa ubundi.

Ku isonga hari ibihembo bya The Choice Awards bitangwa buri mwaka bigahemba abagize uruhare mu iterambere ry’uruganda rw’imyidagaduro mu Rwanda , Hari kandi Kiss Summer Awards , Isango na Muzika Awards , The Consumer’s Awards n’ibindi.

Ibi bihembo uretse kuba byamamaze ibihangano by’abahanzi binabafasha kubaka ibigwi bifite ishingiro bigatuma babasha guserukana ishema n’icyubahiro.

Muri ibi bihembo kandi harimo ibigenda bigira abaterankunga bigatuma rya shimwa bahaga abahanzi ryiyongeraho amafaranga nubwo bitaragera ku rwego rushimishize.

4.IBIGO BAMAMARIZA.

Ntawavuga ku isoko abahanzi nyarwanda bakuramo umusaruro ngo asibe kuvuga ibigo by’Ubucurizi bimaze kugirira ikizere abasore n’inkumi bari muri uyu mwuga.

Ibi bigo bitewe naho umuziki ugeze bisigaye bikoresha abahanzi mu kwamamaza ibikorwa n’ibicuruzwa byabo kugira ngo bigere kuri benshi.

Ibi nabyo byinjiriza agatubutse abahanzi batandukanye ndetse bikabafasha gukomeza urugendo rwo kunoza no gusakaza ibihangano byabo.

5. ABAHANZI BISHYURA ABANDI.

Abahanzi bafite amazina akomeye kenshi na kenshi bungukira ku bahanzi bashya baba bashaka ubwamamare.

Aba bahanzi bashya bishyura akayabo ku bahanzi bubatse amazina kugirango bakorane indirimbo zigere kuri benshi.

Ibi uretse kwinjiriza abahanzi bakuru bijya bindindiza impano z’abahanzi bashya cyane ko baba bafite ubushobozi buke.

6.IBIRAKA BYA LETA. 

Ibigo bya Leta bitandukanye bijya byifashisha abahanzi kugira ngo bigeze amabwiriza cyangwa ingamba zitandukanye ku baturage benshi biganjemo urubyiruko.

Ibi bigo byishyura akayabo kuri aba bahanzi ku buryo bibafasha gukomeza umujyo wo guhanga no kwigondera ibyangombwa bikenerwa mu buzima bwa buri munsi.

7.IMPANO Z’AMAFARANGA. 

Hari abanyarwanda batuye mu mahanga bakunda ibihangano by’abahanzi batandukanye bituma baboherereza amafaranga yo kubafasha.

Benshi mu bahanzi bajya bohererezwa amafaranga yo kubabeshaho no gukomeza gukora bya bihangano bikurura ababoherereza amafaranga.

Nkuko twabivuze mu gika cya mbere cy’iyi nkuru ubutaha tuzagaruko mu iterambere ry’ayo masoko twavuze haruguru ndetse turebere hamwe ingaruka nziza cyangwa imbi bigira ku iterambere ry’ubuhanzu n’ruganda rw’imyidagaduro mu Rwanda.

Ubutaha kandi The Choice Live tuzashakira abahanzi bari imbere y’abandi kuri izi mbuga nkoranyambaga.

IMG_9557.jpegMeddy na Bruce Melodie bari mu bahanzi binjirizwa agatubutse n’imbuga zicuruza imiziki.[Instagram-Collaged-Image].

View this post on Instagram

A post shared by The Choice (@thechoice_live)

Entertainment Writer & Analyst Documentarist-Podcaster/ Voice-Over Commercials Specialist.