Muzehe Oh Yeong-su, wakunzwe  muri SQUID GAME araregwa ihohotera rishingiye ku gitsina

Muzehe Oh Yeong-su, wakunzwe muri SQUID GAME araregwa ihohotera rishingiye ku gitsina

 Nov 26, 2022 - 04:17

Oh Yeong-su wamenyekanye muri filime cyane cyane muri filime y'uruhererekane, SQUID GAME, araregwa ihohotera rishingiye ku gitsina.

Abashinzwe ubutabera muri Koreya y’Epfo bavuga ko umukinnyi wa filime y’uruhererekane yabiciye bigacika, “Squid Games “ Oh Yeong-su, arashinjwa icyaha cyo gusambanya.

Abayobozi bavuga ko uyu mugabo w’imyaka 78 ashinjwa gukora ku mugore mu buryo budakwiye mu mwaka wa 2017.

Oh Yeong-su yamenyekanye muri filime nyishi zirimo na Squid Game yasohotse umwaka ushize ikaba iy'ibihe byose ku rubuga rwa Netflix [BBC]

Raporo y’ibitangazamakuru byo muri Koreya, ivuga ko Oh ahakana ibyo ashinjwa .

Yabaye umukinnyi wa filime wa mbere ukomoka muri Koreya y’Epfo, wegukanye igihembo cya Golden Globe nk'umukinnyi ufasha bagenzi be muri filime z'uruhererekane (supporting actor) wahize abandi, nyuma yo kwitwara neza muri iyi filime yahize izindi kuri Netflix, mu ntangiriro z’uyu mwaka.

Nk’uko ibiro ntaramakuru Yonhap bibitangaza, ngo ukekwaho guhohoterwa, yabanje gutanga ikirego kuri polisi arega Oh mu Kuboza umwaka ushize. Ariko urubanza rwafunzwe muri Mata akuweho ibirego byose.

Yonhap ikomeza ivuga ko ubushinjacyaha bwongeye gufungura iperereza bisabwe n’uwahohotewe.

Uretse Squid Game, Oh akunze gukina no mu zindi filime nyinshi ari umwe muri ba basaza bibera mu nsengero, bakunze kuba muri filime zo muri Koreya no mu Bushinwa[net photo]

Nyuma y’iki kirego, minisiteri y’umuco ya Seoul yafashe icyemezo cyo guhagarika ibikorwa by’ubucuruzi bya Leta yakoranaga na Oh.

“Squid Game, ni filime yanyuze ku rubuga rwa Netflix yakunzwe cyane kurusha izindi. Uru rukurikirane(series) rushimishije ruvuga amateka y'abantu baba bafite amadeni, bahatanira igihembo gikomeye cy’amafaranga mu mikino irimo kwicana ku girango bazabashe kwishyura.

Oh, akina ari umusaza wiitabiriye amarushanwa na we ashaka kurokoka. Muri iyo filime aba yitwa Oh Il-nam.