Harry Styles na Olivia Wilde batandukanye nyuma y'imyaka ibiri bamaranye neza

Harry Styles na Olivia Wilde batandukanye nyuma y'imyaka ibiri bamaranye neza

 Nov 19, 2022 - 15:48

Harry Styles na Olivia Wilde abari bamaranye imyaka ibiri urukundo rucumbeka hagati yabo, batandukanye batungura benshi.

Urukundo rwa Harry Styles na Olivia Wilde ntirukiri uko rwahoze, rwamaze kuzamo agatotsi.

Aba bombi banakinanye muri filime “Don’t Worry Darling”, batandukanye nyuma yimyaka ibiri bakundana, nk’uko tubikesha ikinyamakuru E! News

Amakuru amwe avuga ko Harry Styles akirimo kuzenguruka(touring) ndetse ko ubu yagiye mu mahanga. Mu gihe ku rundi ruhande, Wilde we ashishikajwe no kwita ku bana be ndetse n’akazi ke muri L.A(Los Angeles). Ibi byumvikanisha ko gutandukana ari umwanzuro bumvikanyeho.

Harry Styles na Olivia Wilde bagiye bafotorwa basohokanye n'ubwo batashatse ko urukundo rwabo rujya hanze cyane[Aaron Kadi/SWNS]

Mbere yo gukundana na Harry, Olivia yakundanye na Jason Sudeikis, banabyaranye abana babiri, umuhungu Otis ubu ufite imyaka 8, n’umukobwa Daisy ubu ufite imyaka 6. Amakuru avuga ko we n’uwahoze ari umugabo we, Sudeikis, barangije bucece umubano wabo w’imyaka icyenda mu Gushyingo 2020, nyuma yuko Harry yinjiye mu bakinnyi ba filime “Don’t Worry Darling”.

Mu Kuboza 2020, mu kiganiro yagiranye na Vogue, uyu mukinnyi w’amafilime yibukije abantu uburyo we n’uwari ushinzwe kubambika Arianne Phillips babyinnye intsinzi ubwo bamenyaga ko Harry yasinye kuri project yari irimo kuyobora na Olivia.

Muri icyo gihe, mu gushimagiza Styles wahoze mu itsinda rya One Direction, uyu mugore Olivia uzwi cyane mu gukina amafilime no kuyayobora, yagize ati: “Mu byukuri ni umugabo mwiza.” Olivia yagize icyo gihe, ati:” Nishimiye rwose ko ashishikajwe cyane n'ikintu bamwe mu bandi bakinnyi badakunze kwitaho.“

Harry Styles na Olivia Wilde bari bamaranye imyaka ibiri [GC images]

Aba bombi bakundanye bwa mbere muri Mutarama 2021, ubwo bagaragraga bafatanye ibiganza mu bukwe bw’uhagarariye Harry, Jeff Azoff. Uko igihe cyagendaga gihita, aba bombi barushijeho gusohokana, aho Olivia rimwe na rimwe yagaragaye mu mbaga y’abantu mu bitaramo bya Harry, ariko akirinda kubwira abanyamakuru amakuru yerekeye ubuzima bwabo bw’urukundo.

Kubera iki? Muri Mutarama, Wilde yabwiye Vogue ati: “Biragaragara ko rwose bigoye gukosora inkuru y’ibinyoma, ariko ntekereza ko icyo ubona ari uko iyo wishimye rwose, ntacyo bitwaye icyo abantu bagutekerezaho cyose. Icyingenzi kuri wowe ni ukuri, n’icyo ukunda, n’uwo ukunda.”

Harry Styles na Olivia Wilde bakundanye mu mpera z'umwaka wa 2020, bahuriye ahakinirwaga filime "Don't Worry Darling"[Getty images]

Harry na we yunzemo amagambo afitanye isano n'aya muri Kanama, ubwo yaganiraga na Rolling Stone, agira ati: “Niba umuntu agufotoye urikumwe n’umuntu, ntibisobanura ko uhisemo gushyira hanze umubano wawe na we cyangwa ikindi kintu.”

Mu by’ukuri, aba bombi barinze umubano wabo ku buryo batanyuranye kuri tapi itukura muri Nzeri, mu birori bya Venice Film Festival, ahari kumurikirwa filime bakinyanye “Don’t Worry Darling” ahubwo, Harry na Olivia bahisemo kwifotoza mu itsinda ndetse umukinnyi wa filime Sydney Chandler ajya hagati yabo.

Olivia mu kuvuga ku rukundo rwabo, nyuma yabwiye Variety ati: “Ntacyo nzabivugaho kuko sinigeze mbona inyungu ziva mu gukururwa mu ruhame. Twembi tugerageza kurinda umubano wacu.”