Congo yakiranye yombi igitekerezo cya Kenya, gusa urwishe ya nka ruracyayirimo

Congo yakiranye yombi igitekerezo cya Kenya, gusa urwishe ya nka ruracyayirimo

Date: Jun 20, 2022 - 16:21   || Updated: Jun 20, 2022 - 18:44


Repubulika Iharanira Demokarasi ya Congo yavuze ko igitekerezo cya Kenya cyo kohereza ingabo z’umuryango w'ibihugu by'uburasirazuba(EAC) muri iki gihugu kurwanya inyeshyamba za M23, icyemera, ariko ko idashaka ko izo ngabo hazaba harimo ingabo z'uRwanda.

Igihugu cya Repubulika Iharanira Demokarasi ya Congo, cyakiranye yombi igitekerezo cya Kenya cyo gushyiraho ingabo zihuriweho n’akarere kose [Africa y'iburasirazuba], zifite inshingano zo kurwanya umutwe wa M23, mu burasirazuba bw’iki gihugu, ariko RDC Congo, yavuze ko ingabo z’uRwanda zo zitagomba kuza muri iki gihugu.

Abayobozi ba gisirikare bagize ibihugu 7 bigize umuryango wa EAC, ku munsi wa ejo ku Cyumweru, bahuriye i Nairobi muri Kenya, bagamije kuganira ku kibazo kiri hagati y’uRwanda na Congo, kimaze iminsi cyongeye gufata indi sura.

Repubulika Iharanira Demokarasi ya Congo, irashinja u Rwanda gutera inkunga inyeshyamba. u Rwanda ntabwo rwemera ibyo rushijwa n'iki gihugu kuba rwarohereje ingabo mu burasirazuba bw’iki gihugu gufasha inyeshyamba za M23, ziteza umutekano muke muri Congo.

Ku munsi wo ku wa Gatanu w’icyumweru gishize, ni bwo umusirikare wa Congo yarashwe arapfa, ubwo yageragezaga gutera abarinda umupaka w’uRwanda, arasirwa ku butaka bwarwo.

Inkuru ya Al Jazeera, ivuga ko igisirikare cy’u Rwanda cyatangaje ko abapolisi babiri b’u Rwanda bakomerekejwe n’amasasu uyu musirikare wa Congo yambutse arasa, hanyuma na bo baza kurasa uyu musirikare, bamurasiye kuri metero 25 ku butaka bw’uRwanda.

Aya makimbirane ya hato na hato yazanye agatotsi mu mubano w’ibihugu byombi. Mu mpera z’ukwezi gushize, amagana y’abaturage ba Congo bitabiriye imyigaragambyo yamagana u Rwanda, mu murwa mukuru Kinshasa.

 

 

 
Congo yakiranye yombi igitekerezo cya Kenya, gusa urwishe ya nka ruracyayirimo

Congo yakiranye yombi igitekerezo cya Kenya, gusa urwishe ya nka ruracyayirimo

 Jun 20, 2022 - 16:21

Repubulika Iharanira Demokarasi ya Congo yavuze ko igitekerezo cya Kenya cyo kohereza ingabo z’umuryango w'ibihugu by'uburasirazuba(EAC) muri iki gihugu kurwanya inyeshyamba za M23, icyemera, ariko ko idashaka ko izo ngabo hazaba harimo ingabo z'uRwanda.

Igihugu cya Repubulika Iharanira Demokarasi ya Congo, cyakiranye yombi igitekerezo cya Kenya cyo gushyiraho ingabo zihuriweho n’akarere kose [Africa y'iburasirazuba], zifite inshingano zo kurwanya umutwe wa M23, mu burasirazuba bw’iki gihugu, ariko RDC Congo, yavuze ko ingabo z’uRwanda zo zitagomba kuza muri iki gihugu.

Abayobozi ba gisirikare bagize ibihugu 7 bigize umuryango wa EAC, ku munsi wa ejo ku Cyumweru, bahuriye i Nairobi muri Kenya, bagamije kuganira ku kibazo kiri hagati y’uRwanda na Congo, kimaze iminsi cyongeye gufata indi sura.

Repubulika Iharanira Demokarasi ya Congo, irashinja u Rwanda gutera inkunga inyeshyamba. u Rwanda ntabwo rwemera ibyo rushijwa n'iki gihugu kuba rwarohereje ingabo mu burasirazuba bw’iki gihugu gufasha inyeshyamba za M23, ziteza umutekano muke muri Congo.

Ku munsi wo ku wa Gatanu w’icyumweru gishize, ni bwo umusirikare wa Congo yarashwe arapfa, ubwo yageragezaga gutera abarinda umupaka w’uRwanda, arasirwa ku butaka bwarwo.

Inkuru ya Al Jazeera, ivuga ko igisirikare cy’u Rwanda cyatangaje ko abapolisi babiri b’u Rwanda bakomerekejwe n’amasasu uyu musirikare wa Congo yambutse arasa, hanyuma na bo baza kurasa uyu musirikare, bamurasiye kuri metero 25 ku butaka bw’uRwanda.

Aya makimbirane ya hato na hato yazanye agatotsi mu mubano w’ibihugu byombi. Mu mpera z’ukwezi gushize, amagana y’abaturage ba Congo bitabiriye imyigaragambyo yamagana u Rwanda, mu murwa mukuru Kinshasa.